No Boletín Oficial da provincia de Pontevedra, núm. 248, do 29 de decembro de 2022 (corrección de erros no BOP nº 12, do 18 de xaneiro de 2023 e modificación das bases no BOP nº 152, do 8 de agosto de 2023), publicáronse integramente as bases que rexerán os procesos selectivos de estabilización de emprego temporal das seguintes prazas mediante o procedemento de concurso-oposición:

– Catro (4) prazas de auxiliar administrativo, pertencentes á escala da Administración xeral, subescala auxiliar, grupo/subgrupo: C2, nivel de CD 17.

– Unha (1) praza de oficial electricista, pertencente á escala de Administración especial, subescala servizos especiais, grupo/subgrupo: C2, nivel de CD 16.

– Unha (1) praza de oficial mecánico-condutor/a, pertencente á escala de Administración especial, subescala servizos especiais, grupo/subgrupo: C2, nivel de CD 16.

– Unha (1) praza de axudante condutor, pertencente á escala de Administración especial, subescala servizos especiais, grupo/subgrupo: AP, nivel de CD 14.

O prazo de presentación de solicitudes será de vinte (20) días hábiles, contados desde o seguinte ao da publicación deste anuncio no Boletín Oficial del Estado.

Os sucesivos anuncios, cando proceda conforme as bases, publicaranse no Boletín Oficial da provincia de Pontevedra e no taboleiro de anuncios da sede do Concello de Marín.

Marín, 13 de outubro de 2023

María Ramallo Vázquez
Alcaldesa