O Pleno da Deputación Provincial de Pontevedra, na sesión ordinaria que tivo lugar o día 27 de outubro de 2023, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, e no artigo 106.3 da Lei 7/1985, do 2 de abril, reguladora das bases de réxime local, a delegación de competencias que realizou o Concello de Barro polo Acordo do Pleno na sesión do 20 de abril de 2023, para desenvolver as facultades da fase instrutora e da colaboración na tramitación do procedemento sancionador en materia de tráfico e das facultades de recadación das multas de tráfico.

A Deputación Provincial de Pontevedra realizará a devandita delegación a través dos seus servizos tributarios.

O que se fai público para xeral coñecemento e demais efectos.

Pontevedra, 30 de outubro de 2023

O presidente da Deputación Provincial de Pontevedra
P.D. (Resolución nº 2023006130, do 2 de agosto)
Manuel Alejandro Lorenzo Alonso
Deputado delegado de Xestión Tributaria, Patrimonio e Formación