Advertidos erros na dita resolución, publicada no Diario Oficial de Galicia número 216, do 14 de novembro, cómpre facer as seguintes correccións:

Na páxina 62857, no anexo III, onde di:

«Tema 3. Lei 40/2015, do 1 de outubro, de réxime xurídico do sector público (título preliminar)»,

Debe dicir:

«Tema 3. Lei 40/2015, do 1 de outubro, de réxime xurídico do sector público (título preliminar, agás subsección 2ª da sección 3ª do capítulo II)».

Na páxina 62858, no anexo III, onde di:

«Tema 9. Lei 2/2015, do 29 de abril, do emprego público de Galicia (agás o título X).

Tema 10. Lei 53/1984, do 26 de decembro, de incompatibilidades do persoal ao servizo das administracións públicas.

(...)

Tema 13. Lei orgánica 3/2018, do 5 de decembro, de protección de datos persoais e garantía dos dereitos dixitais (título I ao título V).

Tema 14. Decreto lexislativo 2/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade (título preliminar, título I: capítulo I e título II),

Debe dicir:

«Tema 9. Lei 2/2015, do 29 de abril, do emprego público de Galicia (títulos I, III, V, VI, VII, VIII e IX).

Tema 10. Lei 53/1984, do 26 de decembro, de incompatibilidades do persoal ao servizo das administracións públicas (capítulos I, II, III, IV e V).

(...)

Tema 13. Lei orgánica 3/2018, do 5 de decembro, de protección de datos persoais e garantía dos dereitos dixitais (títulos I, II, III e V).

Tema 14. Decreto lexislativo 2/2015, do 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade (título preliminar, título I e título II)».