A base oitava da Resolución da Dirección Xeral de Recursos Humanos do 4 de maio de 2023 (Diario Oficial de Galicia núm. 92, do 15 de maio), pola que se convoca o proceso selectivo, polo sistema de concurso, para o acceso á condición de persoal estatutario fixo da categoría de facultativo/a especialista de atención primaria, dispón que contra os resultados da baremación provisional, os/as aspirantes que o consideren oportuno poderán presentar reclamación ante o propio tribunal no prazo de cinco días hábiles contados a partir do seguinte ao da súa publicación no Diario Oficial de Galicia.

Á vista das reclamacións presentadas ou apreciado de oficio polo órgano de selección algún erro material na baremación provisional asignada aos/ás aspirantes, o tribunal efectuará as oportunas correccións e aprobará as puntuacións definitivas de méritos do concurso e a relación de aspirantes seleccionados/as, pola orde de puntuación acadada nas diferentes quendas de acceso, e elevará esta relación á autoridade convocante para a súa publicación no Diario Oficial de Galicia.

Na base novena da citada resolución disponse, ademais, que todos/as os/as aspirantes que participan no proceso disporán do prazo de dez días hábiles contado desde o día seguinte ao desta publicación para a presentación da documentación preceptiva exixida na convocatoria.

De conformidade co anteriormente exposto, esta dirección xeral, como órgano convocante do proceso

RESOLVE:

Primeiro. Publicar na páxina web do Servizo Galego de Saúde (www.sergas.es), o acordo do tribunal relativo ás puntuacións definitivas de méritos do concurso obtidas polas persoas aspirantes no proceso selectivo para o ingreso na categoría de facultativo/a especialista de atención primaria.

Cada aspirante poderá consultar, ademais, o detalle da puntuación obtida nas distintas epígrafes do baremo, no seu expediente electrónico persoal en Fides/expedient-e/sección de procesos.

Segundo. Publicar, como anexo I desta resolución, a relación dos/das aspirantes seleccionados/as neste proceso, segundo a orde de puntuación acadada nas diferentes quendas de acceso de conformidade co número de prazas convocadas.

Terceiro. Co obxectivo de acadar a máxima axilidade na incorporación dos/das profesionais desta nova categoría, e en previsión de que algunha persoa aspirante relacionada no anexo I non presente a documentación prevista na base terceira desta resolución, non acredite cumprir os requisitos exixidos, ou non realice a elección de destino, de conformidade coa base novena da resolución de convocatoria, todos/as os/as aspirantes que participan no proceso disporán do prazo de dez días hábiles contados desde o día seguinte ao da súa publicación para a presentación da seguinte documentación:

a) Declaración baixo a súa responsabilidade de non ter sido separado/a do servizo, mediante expediente disciplinario, de calquera servizo de saúde ou Administración pública nos seis anos anteriores á convocatoria, nin estar inhabilitado/a con carácter firme para o exercicio de funcións públicas nin, de ser o caso, para a correspondente profesión.

No caso dos/das nacionais doutro Estado, non atoparse inhabilitado/a, por sanción ou pena, para o exercicio profesional ou para o acceso a funcións ou servizos públicos nun Estado membro, nin ter sido separado/a, por sanción disciplinaria, dalgunha das administracións ou servizos públicos nos seis anos anteriores á convocatoria.

b) Certificado médico acreditativo de non padecer enfermidade nin defecto físico que lle imposibiliten para o exercicio das funcións propias da categoría nas condicións da oferta de prazas que se detallan no anexo I da resolución de convocatoria do proceso.

c) Por exixencia do artigo 57 da Lei orgánica 8/2021, do 4 de xuño, de protección integral á infancia e á adolescencia fronte á violencia, certificación do Rexistro Central de Delincuentes Sexuais e de Trata de Seres Humanos de non ter sido condenado/a por sentenza firme por algún delito contra a liberdade e indemnidade sexual ou, na súa falta, autorización escrita ao Servizo Galego de Saúde para consultar os datos contidos no citado rexistro e solicitar no seu nome a oportuna certificación.

d) Os/as participantes que accedan pola quenda de persoas con discapacidade deberán achegar neste momento, ademais da documentación anterior, orixinal ou certificación compulsada acreditativa do mantemento dos requisitos para acceder pola correspondente quenda, de non ter carácter definitivo a resolución pola cal se lles recoñeceu a discapacidade, e que foi achegada ao inicio do proceso selectivo.

De acordo coa base novena da Resolución do 4 de maio de 2023, os/as que dentro do prazo fixado non presentasen a documentación ou do exame desta se deducise que carecen dalgún dos requisitos para participar no proceso selectivo, non poderán ser nomeados/as persoal estatutario fixo e quedarán anuladas as súas actuacións, sen prexuízo da responsabilidade en que incorresen por falsidade na solicitude inicial.

Cuarto. A relación de prazas que se ofertan aos/ás participantes no proceso, con prestación de servizos en centro/s de saúde e punto/s de atención continuada de referencia, figuran como anexo I da Resolución da Dirección Xeral de Recursos Humanos do 4 de maio de 2023 (Diario Oficial de Galicia núm. 92, do 15 de maio) pola que se convoca o proceso selectivo, corrección de erros (Diario Oficial de Galicia núm. 98, do 25 de maio).

Quinto. Abrir un prazo de dez días hábiles contados a partir do seguinte hábil ao desta publicación para que todos/as os/as aspirantes que participan no proceso seleccionen telematicamente, a través do sistema de información Fides/expedient-e, os destinos ofertados por orde de prelación entre a relación de prazas ofertadas.

Os/as aspirantes seleccionados/as deberán elixir un número de destinos igual ao do posto que ocupa/n como seleccionado/s pola orde de prelación que considere/n. Sen prexuízo do exposto, se solicita menos destinos que o posto que ocupa e non resulta adxudicatario de praza, non poderá ser nomeado/a persoal estatutario fixo e quedarán anuladas as súas actuacións no proceso.

Os/as participantes no proceso selectivo, que non teñan a condición de seleccionados/as, poderán solicitar todos os destinos ofertados pola orde de prelación que consideren ou aqueles que fosen do seu interese. No suposto de quedar prazas sen adxudicar entre os/as aspirantes seleccionados/as que figuran no anexo I desta resolución, o nomeamento realizarase pola orde de prelación que resulte da lista definitiva entre aqueles/as aspirantes que aportasen a documentación indicada no punto terceiro desta resolución e teñan elixido os destinos non adxudicados, con independencia da quenda de acceso do/da aspirante que non resultou adxudicatario/a.

Os/as participantes no proceso selectivo que, no prazo indicado e conforme o procedemento establecido, non seleccionen ningún destino ou non resulten adxudicatarios/as de ningún polos que optasen, non poderán ser nomeados/as persoal estatutario fixo e quedarán sen efecto todas as súas actuacións neste proceso.

No procedemento de selección de destinos resultarán de aplicación as bases aprobadas por Resolución desta dirección do 28 de maio de 2020 (Diario Oficial de Galicia núm. 109, do 5 de xuño).

Sexto. A orde de puntuación acadada nas diferentes quendas de acceso publicada no anexo I desta resolución, poderá ser alterada só para os efectos de elección de destino, de conformidade co artigo 9 do Real decreto 2271/2004, do 3 de decembro, polo que se regula o acceso ao emprego público e a provisión de postos de traballo das persoas con discapacidade, no suposto de que a autoridade convocante considere a/as solicitude/s de alteración da orde por motivos de dependencia persoal, dificultades de desprazamento ou outras análogas que, de ser o caso, realicen algún/s dos/das aspirantes que superasen o concurso de méritos pola quenda reservada a persoas con discapacidade. Para estes efectos, os/as aspirantes seleccionados/as que accederon pola quenda de persoas con discapacidade poderán solicitar á autoridade convocante, no prazo indicado neste punto, a alteración da orde de prelación para a elección das prazas por motivos de dependencia persoal, dificultades de desprazamento ou outras análogas, que deberán ser debidamente acreditados.

Sétimo. A documentación requirida nesta resolución deberá presentarse nun rexistro administrativo ou a través de calquera dos procedementos previstos no artigo 16 da Lei 39/2015, do 1 de outubro, e deberá dirixirse á Dirección Xeral de Recursos Humanos do Servizo Galego de Saúde, Edificio Administrativo San Lázaro, s/n, 15703 Santiago de Compostela.

Oitavo. A non incorporación ao servizo activo no destino adxudicado e no prazo establecido, sen causa xustificada, sobrevida á solicitude de participación no concurso, ou de forza maior, impedirá a perfección do nomeamento e a adquisición da condición de persoal estatutario fixo do/da aspirante, e quedarán sen efecto todas as súas actuacións no proceso.

A Resolución da Dirección Xeral de Recursos Humanos do 4 de maio de 2023 (Diario Oficial de Galicia núm. 92, do 15 de maio), pola que se convoca o proceso selectivo, ditouse en execución da Lei 2/2022, do 6 de outubro, de medidas extraordinarias dirixidas a impulsar a provisión de postos de difícil cobertura de determinado persoal estatutario con título de especialista en ciencias da saúde do Servizo Galego de Saúde, polo que con base no que establecen o artigo 20.3 da Lei 55/2003, do 16 de decembro, do Estatuto marco do persoal estatutario dos servizos de saúde, así como o artigo 2 da Lei 2/2022, do 6 de outubro, imponse o máximo rigor na exixencia da incorporación efectiva ao servizo como requisito para adquirir a condición de persoal estatutario fixo e prevese expresamente no dito artigo que o persoal seleccionado nos concursos que se executen en aplicación da Lei 2/2022 deberá incorporarse de modo efectivo e permanente ao servizo activo, no destino adxudicado, para adquirir a condición de persoal estatutario fixo.

Tras adquirir esa condición de persoal estatutario fixo poderá participar nos concursos de traslados da súa categoría e/ou especialidade, ou nos sistemas de promoción interna ou provisión de prazas doutra categoría e/ou especialidade, cando cumpra os requisitos comúns e acredite dous anos de permanencia na situación de servizo activo no centro elixido e adxudicado como destino no concurso.

Noveno. Contra a presente resolución, que pon fin á vía administrativa, poderase interpoñer recurso potestativo de reposición ante este órgano directivo, no prazo dun mes a partir do día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.

Santiago de Compostela, 5 de decembro de 2023

Ana María Comesaña Álvarez
Directora xeral de Recursos Humanos

ANEXO I

Aspirantes seleccionados/as

Nº orde	DNI	Apelidos e nome	Acceso	Valoración galego	Formación	Experiencia	Outras actividades	Puntuación total
1	***1477**	Matías González, Eva	PI	5,000	14,000	22,000	3,700	44,700
2	***5179**	Gorgojo Villan, José Matías	PI	5,000	14,000	22,000	0,700	41,700
3	***0063**	Lema Trillo, José Aurelio	PI	5,000	10,000	22,000	2,000	39,000
4	***2223**	Carballo García, José Antonio	PI	5,000	9,000	22,000	1,400	37,400
5	***8975**	Otero Fernández, David	PI	5,000	11,130	18,700	1,400	36,230
6	***7861**	Sánchez Novo, Juan Antonio	PI	5,000	9,050	15,000	1,400	30,450
7	***5612**	González López, Arturo	PI	5,000	1,435	22,000	1,400	29,835
8	***8336**	Sánchez González, Antía	PI	5,000	9,100	13,285	1,400	28,785
9	***5973**	López Díaz, Juan José	PI	5,000	11,000	8,660	4,000	28,660
10	***1894**	Berrocoso Sánchez, Juan Ignacio	PI	1,250	9,070	5,916	4,000	20,236
11	***1271**	Fernández Alba, José Luis	PI	5,000	9,000	0,240	1,000	15,240
12	***6508**	Viñas Martínez, Daniel	PI	5,000	8,430	0,000	1,000	14,430
13	***2020**	O’Farrill Ordóñez, Gabina Mayra	DI	5,000	13,500	22,000	1,900	42,400
14	***2392**	Docampo Pérez, Natalia	LI	5,000	9,080	22,000	4,000	40,080
15	***8127**	Álvarez Ameijeiras, María Antonia	LI	5,000	11,040	22,000	1,400	39,440
16	***3589**	Míguez Labandeira, José Gregorio	LI	5,000	11,030	22,000	1,400	39,430
17	***3329**	Martínez Puñal, María Dolores	LI	5,000	9,350	22,000	1,400	37,750
18	***8626**	Fernández Limeres, Fernando	LI	5,000	9,320	22,000	1,400	37,720
19	***4348**	Alcaina Ferreiro, Rosa	LI	5,000	9,050	22,000	1,400	37,450
20	***3359**	González González, Marina	LI	5,000	9,050	22,000	1,400	37,450
21	***0600**	Freire Domínguez, María Purificación	LI	5,000	9,040	22,000	1,400	37,440
22	***8900**	Da Costa Moure, Manuel Luis	LI	5,000	9,030	22,000	1,400	37,430
23	***6216**	Gómez Corbillón, Noelia	LI	5,000	9,070	22,000	1,300	37,370
24	***5830**	Gacio Pacios, María Remedios	LI	5,000	8,555	22,000	1,400	36,955
25	***5790**	López Domínguez, María Pilar	LI	0,000	12,720	22,000	1,400	36,120
26	***6020**	Cuña Ramos, Fernando Óscar	LI	5,000	11,030	17,614	1,400	35,044
27	***3581**	Teijo Figueiras, Pilar	LI	5,000	12,530	12,942	4,000	34,472
28	***9687**	Abu Komboz Abu Rahma, Ramzi	LI	2,500	11,040	19,400	1,400	34,340
29	***4290**	Quiroga López, María Teresa	LI	4,375	9,000	19,536	1,400	34,311
30	***3236**	Vázquez Zaballos, José María	LI	0,000	11,020	21,450	1,650	34,120
31	***2763**	Conde Novoa, María Elena	LI	5,000	11,050	15,409	1,400	32,859
32	***7976**	Valiño Regueiro, Paula	LI	5,000	9,060	14,523	4,000	32,583
33	***8453**	Luaces Méndez, Rafael	LI	5,000	12,540	13,358	1,400	32,298
34	***1580**	Molano Zarate, Rubén Eduardo	LI	3,125	13,500	11,235	4,000	31,860
35	***1261**	Batan Veiga, Silvia Olalla	LI	5,000	9,070	15,069	1,400	30,539
36	***2549**	Viña Segura, Ana	LI	5,000	11,020	12,024	2,200	30,244
37	***7857**	Toucedo Vicente, María del Carmen	LI	5,000	9,100	14,500	1,400	30,000
38	***8239**	López García, José Luis	DI	5,000	9,000	12,882	2,900	29,782
39	***8985**	Pérez Vidal, Elba	LI	5,000	12,070	11,286	1,400	29,756
40	***4624**	Queijeiro Presa, Ana María Inés	LI	5,000	4,050	19,324	0,900	29,274
41	***3293**	Ocampo Fontangordo, Marta	LI	5,000	14,000	9,731	0,000	28,731
42	***4676**	Fernández Castro, Marcelino	LI	5,000	12,540	9,613	1,400	28,553
43	***2295**	Vázquez Doce, María Jesús	LI	5,000	9,020	11,984	2,400	28,404
44	***1200**	Carbón Otero, Mariana	LI	5,000	12,040	9,540	1,400	27,980
45	***0484**	Villamarín Bello, María Beatriz	LI	5,000	14,000	4,782	4,000	27,782
46	***8173**	Quinteiro Seoane, Carolina	LI	3,125	11,040	11,938	1,400	27,503
47	***4477**	Macaya Ortiz, María Asunción	LI	0,000	8,120	17,700	1,400	27,220
48	***4909**	Liriano Reyes, Ana Josefina	LI	1,250	8,500	16,026	1,400	27,176
49	***0997**	Doñe de la Rosa, Francis Alberto	LI	1,250	9,000	15,469	1,400	27,119
50	***9325**	Palma Rodríguez, María Esther	LI	5,000	9,000	11,632	1,400	27,032
51	***3880**	López Silva, Laura	LI	5,000	9,050	11,019	1,900	26,969
52	***8239**	Capón Álvarez, Jessica	LI	5,000	13,590	4,100	4,000	26,690
53	***9212**	Abu Oun Abu Oun, Rami	LI	2,000	9,000	12,506	2,900	26,406
54	***8767**	Rodríguez Quintas, María José	LI	5,000	8,110	11,706	1,400	26,216
55	***9697**	Yañez Freire, Sandra	LI	5,000	13,080	4,000	4,000	26,080
56	***6888**	Lodeiro Lodeiro, MarÍa Cristina	LI	3,875	9,340	12,713	0,000	25,928
57	***2105**	González Feijoo, María José	LI	5,000	9,140	10,232	1,350	25,722
58	***8048**	Castiñeira Pérez, Sandra	LI	5,000	9,000	11,003	0,700	25,703
59	***6463**	López Ferro, Tania	LI	5,000	10,080	9,500	1,100	25,680
60	***1794**	Leguia Bolivar, Cecilia Rocío	LI	3,250	9,090	11,584	1,400	25,324
61	***2179**	Varela Mariño, María	LI	5,000	9,050	9,704	1,400	25,154
62	***8217**	Aguiar Silva, Sonia	LI	5,000	12,550	4,958	2,600	25,108
63	***4864**	Caamaño Fernández, Iria Lucía	LI	5,000	9,040	9,552	1,400	24,992
64	***3876**	López Blanco, María Cristina	LI	5,000	9,000	10,250	0,700	24,950
65	***4999**	González Pérez, María Inés	LI	3,750	14,000	3,057	4,000	24,807
66	***1765**	Pereiras Maceira, María del Carmen	LI	5,000	9,000	9,000	1,400	24,400
67	***3380**	Álvarez Pérez, Otilia	LI	5,000	12,580	3,900	2,700	24,180
68	***9031**	Conde Sabarís, Patricia	LI	5,000	13,110	1,600	4,000	23,710
69	***8907**	Gómez Sánchez, Laura	LI	5,000	13,000	3,700	1,990	23,690
70	***1929**	Barrios García, Nereyda	LI	2,000	9,020	11,121	1,400	23,541
71	***0481**	Barbeito Barros, Montserrat	DI	5,000	12,500	0,000	1,000	18,500
72	***8322**	Lobo Martínez, Raquel	DI	0,000	13,100	0,000	3,000	16,100
Acceso: DI: discapacidade xeral; LI: libre; PI: promoción interna. (*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro.