No DOG núm. 106, do 6 de xuño de 2023, publicouse a Orde do 24 de maio de 2023 pola que se establecen as bases reguladoras para a concesión de bolsas para a formación de persoas expertas en cooperación internacional para o desenvolvemento e se procede á súa convocatoria para o ano 2023 (código de procedemento PR809A).
Logo da tramitación establecida nas bases reguladoras, o 31 de xullo de 2023 o director xeral de Relacións Exteriores e coa Unión Europea, por delegación do vicepresidente primeiro e conselleiro de Presidencia, Xustiza e Deportes, ditou resolución de adxudicación de seis bolsas para a formación de persoas expertas en cooperación internacional, que se desenvolverán durante os anos 2023 e 2024.
Tras a renuncia dunha das persoas beneficiarias das bolsas, e de conformidade co disposto na base décimo segunda da Orde do 24 de maio de 2023, o 9 de agosto de 2023 o director xeral de Relacións Exteriores e coa Unión Europea, por delegación do vicepresidente primeiro e conselleiro de Presidencia, Xustiza e Deportes, adoptou a resolución pola que se concede a unha nova persoa adxudicataria unha das bolsas convocadas pola Orde do 24 de maio de 2023.
Posteriormente, tras outra renuncia dunha persoa beneficiaria da bolsa, o 16 de novembro de 2023 o director xeral de Relacións Exteriores e coa Unión Europea, por delegación do vicepresidente primeiro e conselleiro de Presidencia, Xustiza e Deportes, adoptou a resolución pola que se concede a unha nova persoa adxudicataria unha das bolsas convocadas pola Orde do 24 de maio de 2023.
Conforme o establecido na base sétima, punto un, da Orde do 24 de maio de 2023, deberá darse cumprimento ás obrigas de transparencia contidas no artigo 17 da Lei 1/2016, do 18 de xaneiro, de transparencia e bo goberno, e no artigo 15 da Lei 9/2007, do 13 de xuño, de subvencións de Galicia.
Con estas bolsas preténdese apoiar a formación de persoas expertas en cooperación para o desenvolvemento, coa finalidade de complementar a formación académica das persoas tituladas universitarias con estadías na sede da Dirección Xeral de Relacións Exteriores e coa Unión Europea ou nas unidades de cooperación no exterior (UCE) dependentes da Axencia Española de Cooperación Internacional para o Desenvolvemento, de acordo co previsto no convenio subscrito entre esta Axencia e a Xunta de Galicia.
Na súa virtude,
RESOLVO:
Publicar no Diario Oficial de Galicia a relación das bolsas concedidas ao abeiro da Orde do 24 de maio de 2023 pola que se establecen as bases reguladoras para a concesión de bolsas para a formación de persoas expertas en cooperación internacional para o desenvolvemento e se procede á súa convocatoria para o ano 2023 (DOG núm. 106, do 6 de xuño), segundo se detalla no anexo desta resolución.
Santiago de Compostela, 1 de decembro de 2023
Jesús Gamallo Aller
Director xeral de Relacións Exteriores e coa Unión Europea
ANEXO
Persoas adxudicatarias
Apelidos |
Nome |
Destino |
Subvención concedida |
Aplicación orzamentaria |
Valle López |
Laura |
Oficina de Cooperación Exterior de Guatemala |
19.200 € |
06.07.331A.480.0 |
García Fidalgo |
Mónica |
Oficina de Cooperación Exterior de Bolivia |
19.200 € |
06.07.331A.480.0 |
Flores Hussain |
Nayla |
DXRREE e UE Santiago de Compostela |
13.200 € |
06.07.331A.480.0 |
Corredoira Cobas |
María |
DXRREE e UE Santiago de Compostela |
1.503,33 € |
06.07.331A.480.0 |
Parada Martínez |
Manuel |
Oficina de Cooperación Exterior de República Dominicana |
19.200 € |
06.07.331A.480.0 |
Aldea Arias |
Auria |
Oficina de Cooperación Exterior de Mozambique |
19.200 € |
06.07.331A.480.0 |
Gómez Longo |
Miguel |
DXRREE e UE Santiago de Compostela |
11.000€ |
06.07.331A.480.0 |