Na Resolución de Alcaldía nº 2023-0448, do 21 de decembro de 2023, aprobouse a seguinte oferta de emprego público para o exercicio 2023 coa especificación das prazas relacionadas, xunto coa súa denominación e clasificación:

Persoal funcionario de carreira. Taxa de reposición de efectivos.

Nº	Código	Denominación	Grupo	Subgrupo	Escala	Titulación	Provisión
1	01.01.00.02	Administrativo/a	C	C-1	Admón. xeral	Bacharelato ou equivalente	Quenda libre

O que se publica en cumprimento do ordenado na resolución de aprobación desta.

Contra este acordo, que pon fin á vía administrativa, poderá interpoñerse recurso potestativo de reposición no prazo dun mes, contado desde o día seguinte ao da súa publicación, ao abeiro do establecido no artigo 124.1 da Lei 39/2015, do 1 de outubro, do procedemento administrativo común das administracións públicas, ou ben directamente o recurso contencioso-administrativo, ante o Xulgado do Contencioso-Administrativo de Pontevedra, no prazo de dous meses contados desde o día seguinte ao da súa publicación, consonte o disposto nos artigos 8.1 e 46.1 da Lei 29/1998, do 13 de xullo, reguladora da xurisdición contencioso-administrativa.

No caso de interpoñerse o recurso potestativo de reposición, deberase resolver e notificar no prazo dun mes, segundo establece o artigo 124.2 da dita Lei 39/2015, e entenderase desestimado polo transcurso do dito prazo sen resolución expresa notificada; os interesados poderán entón interpoñer recurso contencioso-administrativo, consonte o establecido no artigo 46.1 e 4 da Lei 29/1998, reguladora da xurisdición contencioso-administrativa.

Non obstante, tamén se poderá interpoñer calquera outro recurso que as persoas interesadas consideren procedente conforme dereito.

Portas, 21 de decembro de 2023

Ricardo Martínez Chantada
Alcalde