Mediante a Resolución da Axencia Galega de Innovación, do 21 de xuño de 2023 (publicada no DOG núm. 132, do 12 de xullo), establecéronse as bases reguladoras e convocáronse os Premios Galicia de Innovación e Deseño, co obxectivo de destacar as mellores prácticas para que sirvan de exemplo a todo o tecido empresarial galego, poñendo de relevo como a innovación e o deseño cumpren un papel esencial para mellorar a competitividade das empresas e, en definitiva, a calidade de vida das persoas.
En cumprimento do establecido no artigo 12 das bases reguladoras «A adxudicación dos premios realizarase mediante resolución da directora da Gain, de acordo coa proposta do xurado».
De acordo co exposto, e seguindo o procedemento regulado nas bases reguladoras,
RESOLVO:
Primeiro. Conceder os IV Premios Galicia de Innovación e Deseño, logo da proposta do Xurado, a:
– Premio Galicia de Innovación, modalidade Traxectoria Innovadora, a María do Carme Pampín Casal, con NIF ***9167**. O premio consiste nun importe en metálico de 15.000 euros, suxeito ás retencións fiscais que legalmente correspondan.
– Premio Galicia de Innovación, modalidade Grande Empresa, a Pasek Minerales, S.A., con NIF A70203286. O premio ten carácter honorífico.
– Premio Galicia de Innovación, modalidade Pequena e Mediana Empresa, a Centum Research & Technology, S.L., con NIF B94016151. O premio consiste nun importe en metálico de 15.000 euros, suxeito ás retencións fiscais que legalmente correspondan.
– Premio Galicia de Deseño, modalidade Profesionais, a Uqui Cebra, S.L., con NIF B15924624. O premio consiste nun importe en metálico de 15.000 euros, suxeito ás retencións fiscais que legalmente correspondan.
– Premio Galicia de Deseño, modalidade Empresa, a Costa Comunicación Visual, S.L., con NIF B70267349. O premio ten carácter honorífico.
– Premio Galicia de Deseño, modalidade Talento Emerxente, a Ismael Velo Feijoo, con NIF ***6758**. O premio consiste nun importe en metálico de 15.000 euros, suxeito ás retencións fiscais que legalmente correspondan.
Segundo. Conforme o artigo 21 das bases reguladoras, os premios financiaranse con cargo á aplicación orzamentaria 05.A2.561A.480.0 dos orzamentos da Comunidade Autónoma Galega para o ano 2023 polos importes que se indican:
|
Categorías Innovación |
NIF/CIF |
Subtotal |
|
Traxectoria Innovadora: María do Carme Pampín Casal |
***9167** |
15.000,00 € |
|
Pequena e mediana empresa: Centum Research & Technology, S.L. |
B94016151 |
15.000,00 € |
|
Categorías Deseño |
NIF/CIF |
Subtotal |
|
Profesionais: Uqui Cebra, S.L. |
B15924624 |
15.000,00 € |
|
Talento emerxente: Ismael Velo Feijoo |
***6758** |
15.000,00 € |
|
Total: 05.A2.561A.480.0 |
60.000,00 € |
|
Contra a presente resolución, que non é definitiva na vía administrativa, cabe interpor recurso de alzada ante a presidenta da Axencia Galega de Innovación no prazo dun mes, contado a partir do día seguinte ao da notificación ou publicación desta resolución, conforme o establecido no artigo 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.
Santiago de Compostela, 18 de decembro de 2023
Patricia Argerey Vilar
Directora da Axencia Galega de Innovación