No Xulgado do Contencioso-Administrativo número 2 de Pontevedra tramítase o recurso 361/2023 (procedemento abreviado), interposto por Mª Lourdes Rosales Docampo contra a Resolución da Dirección Xeral de Recursos Humanos do Servizo Galego de Saúde, do 18 de xullo de 2023 (DOG do 27 de xullo), pola que se publica a orde de prelación e as puntuacións definitivas obtidas polas persoas aspirantes admitidas no proceso de actualización das listas de selección temporal do Servizo Galego de Saúde na categoría de fisioterapeuta (Área de Pontevedra e O Salnés), así como contra a desestimación presunta do recurso de reposición interposto o 8 de agosto de 2023 fronte á anterior resolución.
A recorrente non está de acordo coa puntuación acadada na epígrafe de formación continuada.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 19 de decembro de 2023
Ana Mª Comesaña Álvarez
Directora xeral de Recursos Humanos