Dentro das actividades programadas para o ano 2024, e conforme as funcións atribuídas pola Lei 1/2007, do 15 de xaneiro, da Academia Galega de Seguridade Pública, e o establecido no artigo 45 do Decreto 15/2023, do 12 de xaneiro, polo que se desenvolve a Lei 4/2007, do 20 de abril, de coordinación de policías locais, anúnciase a convocatoria dun curso selectivo de ingreso para vixilantes municipais, consonte as seguintes bases:

Obxectivos:

Dotar os vixilantes municipais dunha formación específica co fin de facilitarlles a competencia e capacitación necesarias para o posterior desempeño da súa actividade profesional.

Persoal destinatario:

O curso vai dirixido a todas aquelas persoas que superasen as correspondentes probas de acceso ás prazas de vixilantes municipais dos diferentes concellos de Galicia.

Inscrición:

A inscrición é gratuíta.

A Academia reservará definitivamente a correspondente praza segundo a comunicación da inscrición por parte do concello de procedencia, e será automática esta reserva no suposto dos procesos selectivos unificados.

Prazas:

Sen límite.

O curso terá unha duración de 100 horas lectivas e desenvolverase de maneira presencial.

O deseño deste curso inclúe os seguintes módulos:

– Módulo I: módulo xurídico.

– Módulo II: módulo técnico.

– Módulo III: módulo operativo.

– Módulo IV: módulo transversal.

A Academia poderá, ademais, realizar a homologación de materias ou módulos do curso cando, logo de solicitude do/da alumno/a e a oportuna xustificación documental, se acredite que se desenvolveron ou superaron esas materias ou módulos en cursos ou actividades de centros ou institucións dependentes das administracións públicas, ou de recoñecido prestixio e solvencia noutro caso.

Datas:

A data de inicio do curso será o día 5 de febreiro e rematará o día 21 de febreiro de 2023.

O curso desenvolverase de luns a venres na sede da Agasp.

Desenvolvemento do curso:

O alumnado da Academia Galega de Seguridade Pública, durante o seu período de permanencia nesta, rexerase polo seu regulamento de réxime interior, publicado mediante a Orde do 4 de febreiro de 2009, da Consellería de Presidencia, Administracións Públicas e Xustiza, no DOG número 30, do 12 de febreiro de 2009.

Certificado:

Unha vez superado o curso, a Agasp emitirá un informe en que certifique a devandita superación, de modo que o concello de pertenza poida efectuar o nomeamento como persoal funcionario de carreira e a toma de posesión como vixilante municipal.

Modificacións:

A Academia Galega de Seguridade Pública poderá modificar o desenvolvemento normal do curso para adaptalo ás necesidades da Administración e ás continxencias que poidan xurdir.

A Estrada, 17 de xaneiro de 2023

Santiago Villanueva Álvarez
Director xeral da Academia Galega de Seguridade Pública