A Orde do 24 de xullo de 2023 establece as bases reguladoras das axudas para o apoio aos investimentos nas explotacións agrícolas especializadas en produción vexetal, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2023 (código de procedemento MR419A).

A concesión destas axudas, segundo establecen as bases reguladoras, efectuarase mediante concorrencia competitiva.

De conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións convocadas mediante concorrencia competitiva deben ser obxecto de publicación no Diario Oficial de Galicia, a cal producirá os mesmos efectos da notificación.

Unha vez rematada a fase de instrución das solicitudes recibidas, avaliadas as solicitudes por cada xefatura territorial da Consellería do Medio Rural, o órgano colexiado é informado da admisibilidade dos expedientes, segundo o previsto no artigo 11 das bases reguladoras. O dito órgano aplica os criterios de prioridade para que a persoa titular da Subdirección Xeral de Explotacións Agrarias formule a proposta de resolución, tendo en conta as dispoñibilidades orzamentarias. Vista esta, a persoa titular da Dirección Xeral de Gandaría, Agricultura e Industrias Agroalimentarias, por delegación da persoa titular da consellería, procede a resolver a convocatoria de axudas.

Por outra parte, de conformidade co establecido no artigo 15 da Lei 9/2007, do 13 de xuño, de subvencións de Galicia, e no artigo 17 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, beneficiario, cantidade concedida e finalidade ou finalidades da subvención.

Por todo o indicado,

RESOLVO:

Primeiro. Conceder as subvencións o apoio aos investimentos nas explotacións agrícolas especializadas en produción vexetal, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, aos solicitantes que se relacionan no anexo I, como consecuencia da aplicación dos criterios de valoración e de preferencia establecidos nas bases reguladoras da orde, pola contías que se reflicten no anexo, e con cargo á aplicación orzamentaria dos orzamentos da Comunidade Autónoma de Galicia: 14.04.712B 772.0 (CP 2016 00182) para os anos 2023, 2024 e 2025.

Esta axuda ten por finalidade incrementar a competitividade e o rendemento global das explotacións mediante a súa modernización e asegurar a continuidade do tecido agrario.

Segundo. Denegar as solicitudes de subvención que se relacionan no anexo II.

Terceiro. Informar as persoas beneficiarias que figuran no anexo I desta resolución do seguinte:

a) As condicións de aplicación a estas axudas son, con carácter xeral, as establecidas nas bases reguladoras e, supletoriamente, as establecidas na normativa autonómica, estatal e comunitaria aplicable.

b) Para a concesión desta axuda e o establecemento das súas características tívose en conta a información e a documentación incluída coa solicitude de axuda. Toda alteración das condicións iniciais para a concesión das axudas previstas na orde de convocatoria e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión.

c) O prazo de xustificación destas axudas será o seguinte:

Apoio aos investimentos nas explotacións agrícolas especializadas en produción vexetal: o prazo para executar e xustificar as axudas concedidas baixo esta medida finaliza o 31 de xullo de 2025.

d) Para proceder ao pagamento da subvención correspondente a cada prazo de xustificación, o beneficiario deberá cumprir as condicións establecidas e presentar a documentación indicada nas bases reguladoras, todo iso sen superar as datas máximas de xustificación indicadas anteriormente.

e) Se o beneficiario da axuda cumpre as condicións establecidas na resolución de concesión, executando e xustificando o seu plan empresarial aprobado nos prazos establecidos, e cumprindo co resto dos requisitos da resolución de concesión, aboarase a totalidade da subvención concedida. De non ser así, procederase conforme o establecido nas bases reguladoras, relativo a incumprimentos.

f) A cantidade de traballo agrario deberá manterse durante os cinco anos posteriores ao pagamento final da axuda, conforme o establecido nas bases reguladoras.

g) Conforme o disposto nas bases reguladoras, o beneficiario da axuda deberá dispor dunha contabilidade específica Feader para todas as transaccións relativas á operación subvencionada.

h) Estas axudas proceden do Programa de desenvolvemento rural de Galicia 2014-2020, e están cofinanciadas con fondos da Unión Europea a través do Feader do seguinte xeito:

– Medida 4. Investimentos en activos físicos.

– Submedida 4.1. Apoio aos investimentos nas explotacións agrícolas, que contribúe directamente ás areas focais 2A (mellorar os resultados económicos de todas as explotacións e facilitar a súa reestruturación e modernización, en particular co obxecto de incrementar a súa participación e orientación cara ao mercado, así como a diversificación agrícola), e 5D (reducir as emisións de gases de efecto invernadoiro e de amoníaco procedentes da agricultura), e convocalas para o exercicio orzamentario 2023. Cofinanciada nun 75 % polo fondo Feader.

i) Estas axudas son incompatibles con calquera outra axuda da mesma natureza, concedida coa mesma finalidade ou para os mesmos investimentos e/ou gastos, con excepción das axudas correspondentes a garantías para préstamos ou derivadas doutros instrumentos financeiros comunitarios nas condicións establecidas no artigo 37 do Regulamento (UE) nº 1303/2013 do Parlamento Europeo e do Consello.

Conforme iso, se para os mesmos investimentos se solicita ou se concede un préstamo garantido e unha subvención non reembolsable, aplicaranse os límites establecidos nas bases reguladoras da orde.

j) O beneficiario deberá cumprir coa normativa sobre información e publicidade das axudas do Feader establecida nas bases reguladoras.

Cuarto. Os solicitantes relacionados no anexo I disporán de información máis detallada da axuda aprobada na súa carpeta cidadá.

Quinto. Contra a presente resolución, que pon fin á vía administrativa, poderá interpoñerse potestativamente recurso de reposición perante o conselleiro do Medio Rural, no prazo dun mes, contado a partir do día seguinte ao da súa notificación, ou directamente recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses a partir do día seguinte ao da súa notificación, consonte o disposto no artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que os interesados poidan exercer calquera outro dereito que consideren pertinente.

Santiago de Compostela, 4 de xaneiro de 2024

O conselleiro do Medio Rural
P.D. (Orde do 17.11.2015; DOG núm. 223, do 23 de novembro)
Silvestre José Balseiros Guinarte
Director xeral de Gandaría, Agricultura e
Industrias Agroalimentarias

ANEXO I

Orde	Expediente	NIF	Persoa beneficiaria	Puntuación criterios prioridade	P a	P b	P c	P d	P e	P f	P g	P h	P i	P j	P k	P l	P m	P n	P o	P p	P q	P r	P s	P t	P u	P v	P w	P x	P y	Melloras auxiliables	% axuda	Subvención concedida	Importe axuda acumulado
																																importe
1	32/00003/23/H	***5944**	Horto Cabido S. Coop. Galega Xuvenil	27	5	0	5	5	0	5	5	0	0	0	0	0	0	0	0	0	0	2	0	0	0	0	0	0	0	60.457,00 €	45	27.205,65 €	27.205,65 €
2	36/00003/23/H	***7244**	Raquel Touceda Matalobos	25	5	0	5	5	0	5	0	0	0	0	0	0	0	0	0	0	3	2	0	0	0	0	0	0	0	6.024,78 €	35	2.108,67 €	29.314,32 €
3	27/00001/23/H	***4810**	Billo, S.C.	25	5	0	3	5	0	0	0	5	0	0	0	0	4	0	3	0	0	0	0	0	0	0	0	0	0	61.945,00 €	45	27.875,25 €	57.189,57 €
4	36/00004/23/H	***5854**	Brotes Viveiro Sociedad Limitada	24	5	0	5	4	2	5	0	0	0	0	0	0	0	0	0	0	3	0	0	0	0	0	0	0	0	168.041,50 €	30	50.412,45 €	107.602,02 €
5	32/00004/23/H	***6121**	Óscar Joga Cota	22	5	0	5	5	0	0	5	0	0	0	0	0	0	0	0	0	0	2	0	0	0	0	0	0	0	45.000,00 €	35	15.750,00 €	123.352,02 €
6	36/00005/23/H	***3387**	Humberto Villanueva Martínez	22	5	0	5	5	0	0	0	5	0	0	0	0	0	0	0	0	0	2	0	0	0	0	0	0	0	14.989,76 €	50	7.494,88 €	130.846,90 €
7	27/00002/23/H	***4357**	Marcos Castro Ferreiro	21	0	0	5	4	0	0	5	5	0	0	0	0	0	0	0	0	0	2	0	0	0	0	0	0	0	8.400,00 €	50	4.200,00 €	135.046,90 €
8	15/00008/23/H	***8902**	Talleres Trebore Jardineria, S.L.	18	5	0	3	5	0	0	0	0	0	0	0	0	0	0	0	0	3	2	0	0	0	0	0	0	0	20.917,96 €	35	7.321,29 €	142.368,19 €
9	27/00003/23/H	***3703**	Viveros Cabaleiros, S.L.	17	5	0	2	0	0	0	5	0	0	0	0	0	0	0	0	0	3	2	0	0	0	0	0	0	0	79.365,00 €	35	27.777,75 €	170.145,94 €
10	36/00006/23/H	***9097**	Joaquín Díaz Gonda	17	5	0	0	5	0	0	0	5	0	0	0	0	0	0	0	0	0	2	0	0	0	0	0	0	0	24.526,87 €	45	11.037,09 €	181.183,03 €
11	36/00008/23/H	***0744**	Viveros San Campio, S.L.U.	15	5	0	0	5	2	0	0	0	0	0	0	0	0	0	0	0	3	0	0	0	0	0	0	0	0	141.359,00 €	30	42.407,70 €	223.590,73 €
12	36/00001/23/H	***1000**	Galiplant Ornamental, S.L.	15	0	0	1	4	5	0	5	0	0	0	0	0	0	0	0	0	0	0	0	0	0	0	0	0	0	149.896,51 €	30	44.968,95 €	268.559,68 €
13	36/00007/23/H	***4420**	Viveiro Corema, S.L.	14	5	0	2	5	2	0	0	0	0	0	0	0	0	0	0	0	0	0	0	0	0	0	0	0	0	20.960,00 €	30	6.288,00 €	274.847,68 €
14	27/00004/23/H	***4409**	Viveros Mañente, S.L.	14	5	0	0	4	0	0	0	0	0	0	0	0	0	0	0	0	3	2	0	0	0	0	0	0	0	275.000,00 €	35	96.250,00 €	371.097,68 €

Criterios	Descrición
P _a	Explotación vinculada cunha incorporación dunha persoa agricultora moza: simultaneamente ou na convocatoria anterior, de nova creación: 15 puntos; nunha explotación existentes: 10 puntos; Incorporación dunha persoa agricultora moza nos últimos 5 anos: 5 puntos.
P _b	Incorporarse a un dos instrumentos de recuperación de terras agroforestais definidos e tramitados nos títulos V e VI, respectivamente, da Lei 11/2021, do 14 de maio, de recuperación da terra agraria de Galicia: 5 puntos.
P _c	Instalación nunha explotación incluída no Banco de explotacións do artigo 15 da Lei   11/2021, do 14 de maio, de recuperación da terra agraria de Galicia: 5 puntos.
P _d	Investimentos que axuden a reducir as emisións de amoníaco que supoñan máis do 15 % do investimento total elixible: 5 puntos.
B_e	Investimentos nunha explotación que proceda dunha fusión de explotacións realizada nos últimos cinco anos: 5 puntos.
P _f	Persoa agricultora profesional: nas persoas físicas titulares de explotación: 5 puntos; Nas persoas xurídicas, en función das persoas socias (todos: 5 puntos; polo menos o 60 %: 4 puntos; polo menos o 50 %: 3 puntos; polo menos o 25 %: 2 puntos; inferior ao 25 %: 1 punto.
P _g	Investimentos en proxectos innovadores: 5 puntos.
P _h	Creación de UTA asalariadas a tempo completo (sen ter destruído emprego no último ano): 1 UTA: 2 puntos; 2 UTA: 3 puntos; e 3 ou más UTA: 5 puntos.
P _i	Investimentos que axuden a reducir as emisións de CO2, que supoñan máis do 15 % do investimento total elixible: 4 puntos.
P _j	Titular da explotación socia dunha cooperativa ou dunha entidade asociativa agroalimentaria prioritaria: 4 puntos.
P _k	Explotación ecolóxica: 4 puntos.
P _l	Explotación agraria inscrita na sección de explotacións agrarias prioritarias do Rexistro de Explotacións Agrarias de Galicia e que segue cumprindo os requisitos para iso, ou que cumpre cos requisitos para ser incluída no catálogo: 3 puntos.
P _m	Explotación con seguro agrario contratado pertencente ao Plan de seguros agrarios combinados do Ministerio de Agricultura, Pesca e Alimentación, excepto a cobertura dos gastos derivados da retirada e destrución de animais mortos da explotación: 3 puntos.
P _n	Localización da explotación nunha zona de montaña, tal e como se definen na medida 13 do PDR 2014-2020: 3 puntos.
P _o	Explotación de titularidade compartida: 3 puntos.
P _p	Titular da explotación muller ou, no caso das persoas xurídicas, que polo menos a metade dos seus socios sexan mulleres: 3 puntos.
P _q	Investimentos en eficiencia enerxética que supoñan máis do 50 % do investimento elixible: 2 puntos.
P _r	Investimentos en obra civil ou instalacións de xurro ou esterco que supoñan máis do 15 % do investimento total elixible: 2 puntos.
P _s	Investimentos en proxectos en cooperación cunha operación financiada a través da medida 16 do PDR: 2 puntos.
P _t	Explotacións con base territorial que empregan a súa superficie para alimentar o gando ou producir produtos agrícolas con destino final á venda, sempre que a totalidade dos investimentos estean relacionados con esa orientación produtiva, e no caso de explotacións de gando, a súa carga gandeira sexa igual ou inferior a 2 UGM/ha: 2 puntos.
P _u	Investimentos en produción de calquera variedade vexetal autóctona inscrita (por exemplo, trigo das variedades callobre e/ou caaveiro) e/ou en produción primaria de produtos galegos de calidade (denominación de orixe ou indicación xeográfica protexida), que supoñan máis do 15 % do investimento total elixible: 2 puntos.
P _v	Explotación gandeira de razas autóctonas galegas en perigo de extinción que supoñan, polo menos, a metade do censo de reprodutoras da explotación (estas reprodutoras estarán inscritas no correspondente libro xenealóxico): 2 puntos.
P _w	Explotación localizada nunha zona distinta da de montaña con limitacións naturais significativas ou limitacións específicas, tal e como se definen na medida 13 do PDR 2014-2020: 2 puntos.
P _x	Explotación socia dunha organización de produtores: 2 puntos.
P _y	Investimentos nunha explotación que pertenza a unha agrupación de defensa sanitaria gandeira (ADSG) ou a unha asociación con programa sanitario propio supervisado pola autoridade competente na materia: 1 punto.

ANEXO II

Orde	Código do expediente	NIF	Persoa beneficiaria	Motivo denegación: non cumprir
1	15/00013/23/H	***3598**	Roberto Ron Pérez	A explotación requirirá un volume de traballo equivalente, como mínimo, a unha UTA (artigo 4.7 da Orde 24.7.2023)
2	27/00005/23/H	***4344**	Viveros Costa de Lóngaras, S.L.U.	Renda unitaria do traballo, no momento de realizar a solicitude, igual ou superior ao 35 % da renda de referencia (artigo 4.6 da Orde do 24.7.2023)