A Autoridade Portuaria de Vigo, ao abeiro do establecido no Real decreto 407/2022, do 24 de maio, polo que se aproba a oferta de emprego público para o ano 2022, e no Real decreto 625/2023, do 11 de xullo, polo que se aproba a oferta de emprego público para o ano 2023, realiza a convocatoria para cubrir as seguintes prazas de persoal laboral fixo suxeitas a convenio colectivo polo procedemento de concurso-oposición:
– 2 prazas de técnico/a de facturación GII BII N6.
– 1 praza de técnico/a de operacións e servizos portuarios GII BII N6.
– 1 praza de responsable de mantemento GII BI N8.
As bases das convocatorias e os impresos de solicitude están dispoñibles na páxina web da Autoridade Portuaria de Vigo www.apvigo.es, na páxina web do organismo público Portos do Estado www.puertos.es e na páxina www.administracion.gob.es
Os/as aspirantes disporán dun prazo de vinte (20) días hábiles, contados a partir do día seguinte á publicación do anuncio de convocatoria no Diario Oficial de Galicia (DOG), para presentar as solicitudes.
Vigo, 25 de xaneiro de 2024
Carlos Botana Lagarón
Presidente da Autoridade Portuaria de Vigo