Nos boletíns oficiais da provincia da Coruña núm. 241, do 22 de decembro de 2022, e núm. 87, do 9 de maio de 2023, publicáronse as bases aprobadas pola Resolución do concelleiro delegado de Economía, Facenda e Réxime Interior, por delegación da Xunta de Goberno Local, do 16 de decembro de 2022 e do 3 de maio de 2023, relativas ás seguintes convocatorias:

– 1 praza de axudante de comercio interior (agrupacións profesionais), C.E. 41/18, pola quenda libre, dentro do proceso extraordinario de estabilización do emprego público.

– 1 praza de axudante de servizos (agrupacións profesionais), C.E. 42/18, pola quenda libre, dentro do proceso extraordinario de estabilización do emprego público.

– 1 praza de socorrista (agrupacións profesionais), C.E. 43/18, pola quenda libre, dentro do proceso extraordinario de estabilización do emprego público.

– 1 praza de oficial parque móbil (subgrupo A2), C.E. 44/18, pola quenda libre, dentro do proceso extraordinario de estabilización do emprego público.

– 1 praza de técnico/a da Administración xeral (subgrupo A1), C.E. 10/17, pola quenda libre, dentro do proceso extraordinario de estabilización do emprego público.

– 1 praza de técnico/a medio/a de xestión (subgrupo A2), C.E. 6/22, pola quenda libre, dentro do proceso extraordinario de estabilización do emprego público.

– 5 prazas de auxiliar administrativo/a (subgrupo C2), C.E. 7/22, pola quenda libre, dentro do proceso extraordinario de estabilización do emprego público.

– 1 praza de axudante de cemiterios (agrupacións profesionais), C.E. 8/22, pola quenda libre, dentro do proceso extraordinario de estabilización do emprego público.

– 1 praza de técnico/a medio/a de promoción de emprego (subgrupo A2), C.E. 46/18, pola quenda libre, dentro do proceso extraordinario de estabilización do emprego público.

– 1 praza de arquitecto/a superior (subgrupo A1), C.E. 9/22, pola quenda libre, dentro do proceso extraordinario de estabilización do emprego público.

O prazo de presentación de instancias será de vinte días naturais contados desde o día seguinte ao da publicación do anuncio da convocatoria no Boletín Oficial del Estado.

Esta convocatoria e a súa resolución publicaranse nos boletíns oficiais correspondentes.

A Coruña, 19 de xaneiro de 2024

A alcaldesa
P.D. (Acordo da Xunta de Goberno Local do 5.7.2023)
José Manuel Lage Tuñas
Concelleiro delegado responsable da Área de Economía
e Planificación Urbana