No Boletín Oficial da provincia da Coruña núm. 246, do 29 de decembro de 2022, publicáronse integramente as bases xerais reguladoras dos procesos de estabilización de emprego temporal polo sistema excepcional de concurso e polo sistema de concurso-oposición, e no Boletín Oficial da provincia da Coruña núm. 247, do 30 de decembro de 2022, publicáronse as convocatorias e as bases específicas que rexerán as convocatorias dos procesos selectivos para cubrir as prazas de estabilización do emprego temporal do Concello de Mugardos, incluídas na oferta de emprego público extraordinaria de 2022, de acordo coa Lei 20/2021, do 28 de decembro, de medidas urxentes para a redución da temporalidade no emprego público, e que a continuación se relacionan:

– Unha (1) praza de persoal laboral fixo de limpador/a de edificios municipais, pertencente ao grupo de clasificación V, asimilada á escala de Administración especial, subescala servizos especiais, clase persoal de oficios, grupo E, agrupacións profesionais, mediante o sistema de provisión por concurso-oposición.

– Unha (1) praza de persoal laboral fixo de psicóloga/o, pertencente ao grupo de clasificación I, asimilada á escala de Administración especial, subescala técnica, grupo A, subgrupo A1, mediante o sistema de provisión por concurso de méritos.

O prazo de presentación de solicitudes será de vinte (20) días naturais, contados a partir do día seguinte ao da data de publicación do anuncio da convocatoria no Boletín Oficial del Estado (BOE).

Os sucesivos anuncios referentes a estas convocatorias faranse públicos na forma prevista nas propias bases.

Mugardos, 17 de xaneiro de 2024

O alcalde
P.D. (R.A. 2023-0615, do 26.6.2023)
José Miguel Mahía Prados
Concelleiro delegado de Urbanismo, Rehabilitación,
Mobilidade e Réxime Interior