Por Decreto núm. 3157/2023, do 20 de decembro, publicado no BOP núm. 245, do 27 de decembro de 2023, aprobáronse as bases reguladoras do procedemento de selección para cubrir a praza de oficial de auga e saneamento, integrado no grupo IV do persoal laboral do Concello de Noia e de formación dunha bolsa de emprego, mediante o sistema de oposición.

Por Decreto núm. 91/2024 do Concello de Noia, do 12 de xaneiro, aprobáronse as bases rectificadas e a convocatoria para a cobertura dunha praza de oficial de auga e saneamento, integrado no grupo IV do persoal laboral do Concello de Noia e de formación dunha bolsa de emprego, mediante o sistema de oposición.

No Boletín Oficial da provincia núm. 18, do 24 de xaneiro de 2024, aparecen integramente publicadas as bases rectificadas da convocatoria para a selección de persoal laboral fixo mediante o sistema de oposición, da praza vacante obxecto da convocatoria cuxas características son:

Núm. de prazas	1
Denominación do posto/categoría	Oficial de auga e saneamento
Clase	Persoal laboral fixo
Escala	Administración especial
Subescala	Servizos especiais
Grupo	IV
Nivel	18
Código do posto na RPT	4011
Xornada	37,5 horas semanais
Servizo de adscrición da praza	Obras e servizos
Unidade de adscrición da praza	Auga e saneamento

O prazo de presentación de solicitudes será de vinte días hábiles contados desde o día seguinte á publicación deste anuncio no Boletín Oficial del Estado.

A publicación da lista provisional, de ser o caso, e da lista definitiva de persoas admitidas e excluídas, realizarase no Boletín Oficial da provincia, sen prexuízo, igualmente, da súa publicación no taboleiro de anuncios e na sede electrónica municipal.

A publicación dos sucesivos anuncios referidos a este proceso selectivo efectuarase no taboleiro de anuncios da sede electrónica do Concello de Noia (https://noia.sedelectronica.gal) e no taboleiro físico de anuncios do Concello de Noia, situado na rúa Rosalía de Castro, número 2.

Noia, 24 de xaneiro de 2024

José Santiago Freire Abeijón
Alcalde