O artigo 18 do Decreto 66/2016, do 26 de maio, polo que se aproba o Regulamento xeral de estradas de Galicia, no seu número 8 impón a obriga de publicar, no Diario Oficial de Galicia, unha relación das actas de entregas dos cambios de titularidade asinados coas entidades locais para os efectos do seu coñecemento por terceiros. En consecuencia, e para dar cumprimento a esta obriga,
DISPOÑO:
Artigo único. Dar publicidade da relación das actas de entregas asinadas dos cambios de titularidade de estradas ou treitos destas formalizados entre a Consellería de Infraestruturas e Mobilidade e distintas entidades locais, e que se incorpora como anexo a esta resolución.
Estas actas de entrega e os seus planos poderán consultarse na páxina web da Consellería de Infraestruturas e Mobilidade:
https://infraestruturasemobilidade.xunta.gal/estradas/rede-autonomica/raega
Santiago de Compostela, 9 de febreiro de 2024
Francisco Menéndez Iglesias
Director da Axencia Galega de Infraestruturas
ANEXO
Actas de entregas de cambios de titularidade asinados
Acta de entrega |
Data da sinatura |
Acta de entrega a prol do Concello de Ourense dun treito da estrada OU-540, xunto co seu dominio público viario |
7.2.2023 |
Acta de entrega a prol do Concello de Padrenda de dous treitos antigos da estrada OU-801, xunto co seu dominio público viario, e da franxa de dominio público viario, denominada área recreativa da Agra |
8.2.2023 |
Acta de entrega a prol do Concello de Zas dos treitos das estradas AC-430 (p.q. 0+000 ao p.q. 0+170) e da AC-552 (p.q. 57+200 ao p.q. 58+440), xunto co seu dominio público viario |
22.3.2023 |
Acta de entrega a prol do Concello de Brión do treito da estrada AC-543 comprendido entre o p.q. 8+390 e o p.q. 10+000, xunto co seu dominio público viario, agás a calzada circular e beiravías das glorietas do p.q. 9+310 (conexión coa AC-304) e do p.p. 9+730 (conexión coa AC-300 e a AC-451) |
3.7.2023 |
Acta de entrega a prol do Concello de Muxía duns treitos antigos da estrada AC-440, xunto coa súa franxa de dominio público viario (DPV) |
6.7.2023 |
Acta de entrega a prol do Concello de Vimianzo de varios treitos antigos das estradas AC-432, AC-441 e AC-552, xunto coa súa franxa de dominio público viario |
20.7.2023 |
Acta de entrega a prol do Concello de Fene dun treito antigo da estrada AC-133 (rúa Pablo Ares Feal), xunto coa súa franxa de dominio público viario (DPV) e a pasarela peonil existente sobre a liña do ferrocarril |
24.7.2023 |
Acta de cesión dun tramo da estrada do Estado AC-12 na provincia da Coruña a prol da Comunidade Autónoma de Galicia |
24.8.2023 |
Acta de entrega a prol do Concello do Carballiño da estrada OU-172 e dos treitos antigos OU-171 e OU-173, xunto co seu dominio público viario |
26.1.2024 |
Acta de entrega a prol do Concello de Covelo do dominio público viario, agás calzada e beiravías, dun treito da estrada PO-261 |
2.2.2024 |
Acta de entrega a prol do Concello de Tomiño da estrada PO-195, incluíndo o seu dominio público viario, agás os nós de conexión coa PO-552 no seu inicio e final |
2.2.2024 |
Acta de entrega a prol do Concello de Triacastela dun treito antigo da estrada LU-633 (LU-134) e do seu ramal de acceso á LU-633 (LU-134r0), xunto co seu dominio público viario |
8.2.2024 |