Na sesión que tivo lugar o 21 de febreiro de 2024, o tribunal nomeado pola Resolución do 27 de abril de 2023 pola que se nomea o tribunal que deberá cualificar o proceso selectivo para o ingreso no corpo facultativo de grao medio de administración especial da Comunidade Autónoma de Galicia, subgrupo A2, escala de enxeñeiros técnicos, especialidade enxeñaría técnica de minas, convocado pola Resolución do 30 de marzo de 2022 (DOG núm. 65, do 4 de abril),

ACORDOU:

Primeiro. Declarar a persoa aspirante que superou o segundo exercicio exenta de realizar o terceiro exercicio por ter presentado a documentación xustificativa sinalada na base II.1.1.3 da convocatoria.

Segundo. Facer pública a relación de aspirantes que superaron o proceso selectivo con indicación do seu DNI (coas limitacións previstas na normativa en materia de protección de datos de carácter persoal).

De conformidade coa base IV.2 da convocatoria, as persoas aspirantes disporán dun prazo de vinte (20) días hábiles, contados a partir do día seguinte ao da publicación no Diario Oficial de Galicia desta resolución, para presentar a documentación prevista na citada base.

Terceiro. Elevarlle esta relación ao titular da Dirección Xeral da Función Pública para os efectos de que a persoa que figura nela sexa proposta para o seu nomeamento como persoal funcionario de carreira.

Cuarto. De conformidade co disposto na base III.13, contra este acordo poderase interpoñer recurso de alzada ante o conselleiro de Facenda e Administración pública nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 21 de febreiro de 2024

Javier Domínguez González
Presidente do tribunal

ANEXO

A2 Enxeñaría técnica de minas (acceso libre)

NIF	Apelidos e nome	Quenda	1º exercicio	2º exercicio	3º exercicio	Total
***4295**	López de la Fuente, Begoña	Libre	34,02	26,17	Exento	60,19