De conformidade co establecido no artigo 6.2 do Decreto 115/2017, do 17 de novembro, polo que se regula a cooperación da Administración xeral da Comunidade Autónoma de Galicia cos concellos na selección dos membros dos corpos de policía local, vixiantes municipais e auxiliares de policía local, unha vez convocado o proceso selectivo unitario para a provisión, mediante contrato laboral temporal, de postos de auxiliares de policía local, convocado mediante a Orde de 12 de marzo de 2024, publicada no Diario Oficial de Galicia núm. 55, do 18 de marzo de 2024, e por delegación do vicepresidente primeiro e conselleiro de Presidencia, Xustiza e Deportes, de conformidade coa disposición adicional única da citada Orde do 12 de marzo de 2024, a Dirección Xeral da Academia Galega de Seguridade Pública
DISPÓN:
Nomear o tribunal que deberá cualificar o proceso selectivo unitario para a provisión, mediante contrato laboral temporal, de postos de auxiliares de policía local, coa composición que se relaciona no anexo.
A Estrada, 3 de abril de 2024
Santiago Villanueva Álvarez
Director xeral da Academia Galega de Seguridade Pública
ANEXO
Proceso selectivo unitario para a provisión, mediante contrato laboral temporal,
de postos de auxiliares de policía local
Tribunal titular:
Presidenta: María Rey Rivera, fiscal da Fiscalía Provincial de Pontevedra.
Secretaria: Mónica María Castro Pérez, xefa do Servizo de Formación en Seguridade Pública da Agasp.
Vocais:
– Maximino García Vázquez, policía local do Concello de Ames.
– Diego García Fariña, policía local do Concello de Ordes.
– Mercedes Gayoso Gómez, xefa do Servizo de Coordinación, Planificación e Selección da Agasp.
Tribunal suplente:
Presidenta: Paula Cajaraville Leiro, fiscal da Fiscalía Provincial de Pontevedra.
Secretario: Manuel Castro Escariz, inspector do corpo da Policía Local do Concello de Caldas de Reis.
Vogais:
– Juan José Lemos González, policía local do Concello de Ames.
– Marcos Regueiro Coucheiro, policía local do Concello de Santiago de Compostela.
– Andrés González Murga, secretario xeral da Academia Galega de Seguridade Pública.