O 24 de xullo de 2023 publicouse no Diario Oficial de Galicia a Resolución da Dirección da Axencia para a Modernización Tecnolóxica de Galicia, do 10 de xullo de 2023, pola que se aproban as bases reguladoras para a concesión, en réxime de concorrencia competitiva, dos premios Axentes TIC da Rede CeMIT, e se procede á súa convocatoria para o ano 2023 (código de procedemento AP401A).
De acordo co artigo 15 da antedita resolución, a adxudicación dos premios realizarase mediante resolución do director da Axencia para a Modernización Tecnolóxica de Galicia, á vista da proposta formulada polo órgano de instrución, de acordo coa valoración feita pola Comisión de Valoración.
Así mesmo, o 24 de xullo de 2023 publicouse no Diario Oficial de Galicia o extracto da dita convocatoria, co identificador 708942 da Base de datos nacional de subvencións, de conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións.
Segundo o establecido no artigo 17 das bases reguladoras aprobadas pola Resolución do 10 de xullo de 2023 e artigo 20.8.b) da Lei 38/2003, do 17 de novembro, xeral de subvencións, a relación das persoas beneficiarias e o seu importe, así como a relación das persoas non beneficiarias, será publicada no Diario Oficial de Galicia. Así mesmo, os referidos premios serán tamén remitidos á Base de datos nacional de subvencións.
En consecuencia, resolvo que se proceda á publicación da relación de expedientes que resultaron beneficiarios, así como os non beneficiarios, dos I Premios Axentes TIC da Rede CeMIT, que se incorpora como anexo a esta resolución, e que se remita a información da concesión á Base de datos nacional de subvencións.
Santiago de Compostela, 3 de abril de 2024
Julián Cerviño Iglesia
Director da Axencia para a Modernización Tecnolóxica de Galicia
ANEXo
Relación de persoas beneficiarias e cantidades concedidas ao abeiro dos I Premios Axentes TIC da Rede CeMIT 2023, así como relación de persoas non beneficiarias:
|
Persoa solicitante |
NIF |
Premio concedido |
Importe do premio |
|
José Manuel Rego López |
***5946** |
Primeiro |
2.000 € |
|
Ana María Pérez Martínez |
***3869** |
Primeiro |
2.000 € |
|
Laura Fernández Álvarez |
***8563** |
Segundo |
0 € |
|
Víctor Manuel Galdo López |
***1738** |
Segundo |
0 € |
|
Silvia Vázquez Crespo |
***8017** |
n/a |
0 € |
|
Cristina Olalla Campaña Martínez |
***8531** |
n/a |
0 € |
|
Daniel Ozores Álvarez |
***7498** |
n/a |
0 € |
|
Alberto González Núñez |
***3677** |
n/a |
0 € |