Elixido e investido polo Parlamento de Galicia dos poderes propios do presidente da Xunta de Galicia, segundo o Estatuto de autonomía, conforme o disposto nos artigos 15 e 18 da Lei 1/1983, do 22 de febreiro, de normas reguladoras da Xunta e da súa Presidencia, en virtude das atribucións que me confire o artigo 26.1 do mesmo texto legal para crear, modificar ou suprimir mediante decreto as vicepresidencias e as consellerías da Xunta de Galicia, e tendo en conta os criterios de eficacia e eficiencia que deben inspirar a actuación e a organización administrativa,
DISPOÑO:
Artigo 1
A Xunta de Galicia estará integrada polas consellerías que a continuación se relacionan:
– Consellería de Presidencia, Xustiza e Deportes.
– Consellería de Medio Ambiente e Cambio Climático.
– Consellería de Educación, Ciencia, Universidades e Formación Profesional.
– Consellería de Política Social e Igualdade.
– Consellería de Economía e Industria.
– Consellería de Facenda e Administración Pública.
– Consellería de Vivenda e Planificación de Infraestruturas.
– Consellería de Sanidade.
– Consellería de Cultura, Lingua e Xuventude.
– Consellería de Emprego, Comercio e Emigración.
– Consellería do Medio Rural.
– Consellería do Mar.
Artigo 2
A orde de prelación das consellerías manterase segundo o establecido no artigo anterior.
Disposición transitoria
Mentres non se proceda ao desenvolvemento da estrutura contida neste decreto, os órganos superiores e de dirección existentes manterán a súa estrutura e funcións.
Disposición derrogatoria
Quedan derrogadas cantas disposicións de igual ou inferior rango se opoñan ao disposto neste decreto.
Disposición derradeira primeira
O Consello da Xunta de Galicia determinará a estrutura orgánica das consellerías previstas neste decreto.
Disposición derradeira segunda
A Consellería de Facenda e Administración Pública realizará as modificacións e habilitacións orzamentarias precisas para o cumprimento do previsto neste decreto.
Disposición derradeira terceira
Este decreto entrará en vigor o mesmo día da súa publicación no Diario Oficial de Galicia.
Santiago de Compostela, catorce de abril de dous mil vinte e catro
Alfonso Rueda Valenzuela
Presidente