A Lei 9/2007, do 13 de xuño, de subvencións de Galicia, dispón no seu artigo 15.1, relativo á publicidade das subvencións concedidas, que os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, o beneficiario, a contía concedida e a finalidade ou finalidades da subvención.

O artigo 26.6 da Orde da Consellería de Promoción e Igualdade do día 12 de abril de 2023 (DOG núm. 78, do 24 de abril) pola que se estableceron as bases reguladoras e se procedeu á convocatoria pública das axudas e subvencións para programas de emprego para persoas mozas incluídas no ficheiro do Sistema nacional de garantía xuvenil da Comunidade Autónoma de Galicia para o ano 2023 (código de procedemento TR353B) establece que as subvencións concedidas se publicarán, con expresión da entidade beneficiaria, a contía e a finalidade, no Diario Oficial de Galicia, de acordo co disposto na Lei 9/2007, do 13 de xuño, de subvencións de Galicia, e na Lei 1/2016, do 18 de xaneiro, de transparencia e bo goberno.

A convocatoria tiña como finalidade establecer as bases reguladoras e a convocatoria pública das axudas e subvencións do ano 2023 para o fomento do emprego a través dos programas mixtos de emprego e formación (programas de emprego), dirixidos a mellorar a ocupabilidade, a cualificación e a inserción profesional das persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia.

O financiamento das axudas previstas na orde de convocatoria efectuouse con cargo aos créditos da aplicación 11.50.322A.460.2 (código de proxecto 2023 00111), estando cofinanciadas nunha porcentaxe do 60 % a través do programa FSE+ Galicia 2021-2027, en particular, no obxectivo político 4, prioridade 5, obxectivo específico ESO4.1, medida 5.A.03

En consecuencia,

RESOLVO:

Ordenar a publicación no Diario Oficial de Galicia das subvencións concedidas para os programas de emprego para persoas mozas inscritas no Sistema nacional de garantía xuvenil da Comunidade Autónoma de Galicia, ao abeiro da Orde do 12 de abril de 2023 (DOG núm. 78, do 24 de abril), segundo o anexo desta resolución.

Santiago de Compostela, 1 de abril de 2024

Zeltia Lado Lago
Directora xeral de Formación para o Emprego e Orientación

ANEXO

Expediente	Entidade beneficiaria	CIF	Aplicación orzamentaria	Concedido 2023	Concedido 2024
15/00001/23	Concello da Coruña	P1503000J	11.50.322A.460.2	212.418,48	212.418,48
15/00002/23	Concello de Fene	P1503600G	11.50.322A.460.2	212.418,48	212.418,48
15/00004/23	Concello de Santiago de Compostela	P1507900G	11.50.322A.460.2	212.418,48	212.418,48
15/00006/23	Concello de Betanzos	P1500900D	11.50.322A.460.2	212.418,48	212.418,48
15/00007/23	Concello de Rois	P1507500E	11.50.322A.460.2	199.142,33	199.142,32
15/00009/23	Concello de Val do Dubra	P1508900F	11.50.322A.460.2	212.418,48	212.418,48
27/00002/23	Concello de Ribadeo	P2705100B	11.50.322A.460.2	212.418,48	212.418,48
32/00001/23	Mancomunidade de Municipios da Comarca de Verín	P3200025I	11.50.322A.460.2	212.418,48	212.418,48
32/00002/23	Mancomunidade Voluntaria de Concellos da Comarca de Ourense	P3200026G	11.50.322A.460.2	212.418,48	212.418,48
36/00001/23	Concello de Vilagarcía de Arousa	P3606000B	11.50.322A.460.2	212.418,48	212.418,48
36/00003/23	Concello de Valga	P3605600J	11.50.322A.460.2	212.418,48	212.418,48
36/00004/23	Concello de Vigo	P3605700H	11.50.322A.460.2	212.418,48	212.418,48
36/00005/23	Concello de Redondela	P3604500C	11.50.322A.460.2	212.418,48	212.418,48
36/00008/23	Concello de Vilanova de Arousa	P3606100J	11.50.322A.460.2	212.418,48	212.418,48
36/00011/23	Mancomunidade da Área Intermunicipal de Vigo	P8605704I	11.50.322A.460.2	212.418,48	212.418,48