Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o Xurado, na reunión do 17.9.2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión celebrada polo Xurado Provincial o día 11.3.2024 figuran os seguintes acordos:
– MVMC Gilfonso ou Cabalar (expediente 1/99), pertencente aos veciños da parroquia do Pereiro, no concello de Alfoz.
O 21.9.2022 tivo entrada unha solicitude da comunidade do Pereiro para que se proceda á revisión do esbozo do seu monte veciñal conforme a proposta que achegan.
O 13.12.2023, o Servizo de Montes elaborou unha proposta co novo esbozo (2022_99), en que se recolle que a superficie do monte Gilfonso ou Cabalar pasa a ser de 249,74 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo I, ao final deste anuncio.
– MVMC Hospital (expediente 57/73), pertencente aos veciños do Hospital, na parroquia do Hospital, no concello de Pedrafita do Cebreiro.
O 27.9.2022 tivo entrada unha solicitude da comunidade do Hospital para que se proceda á revisión do esbozo do seu monte veciñal conforme a proposta que achegan. A solicitude foi mellorada o 19.12.2023 tras o requirimento oportuno.
O 29.2.2024, o Servizo de Montes elaborou unha proposta co novo esbozo (2022_146), en que se recolle que a superficie do monte Hospital pasa a ser de 168 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo II, ao final deste anuncio.
– MVMC Vilela (expediente 79/75), pertencente aos veciños de Vilela, da parroquia de Noceda, no concello de Folgoso do Courel.
O 27.9.2022 tivo entrada unha solicitude da comunidade de Vilela para que se proceda á revisión do esbozo do seu monte veciñal conforme a proposta que achegan. Tras serlles requirido, o 4.1.2024 foi presentada unha emenda da solicitude.
O 29.1.2024, o Servizo de Montes elaborou unha proposta co novo esbozo (2022_160) en que se recolle que a superficie do monte Vilela pasa a ser de 177,324 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo III, ao final deste anuncio.
– MVMC Vila de Mouros (expediente 27/77), pertencente aos veciños da parroquia de Vila de Mouros, no concello do Incio.
O 27.9.2022 tivo entrada unha solicitude da comunidade de Vila de Mouros para que se proceda á revisión do esbozo do seu monte veciñal conforme a proposta que achegan. Tras o requirimento oportuno, o 12.1.2024 foi presentada unha emenda da solicitude.
O 26.1.2024, o Servizo de Montes elaborou unha proposta co novo esbozo (2022_162), en que se recolle que a superficie do monte Vila de Mouros pasa a ser de 101,084 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo IV, ao final deste anuncio.
– MVMC Portela (expediente 107/76), pertencente aos veciños de Portela, parroquia de Gundriz, no concello de Samos.
O 27.9.2022 tivo entrada unha solicitude da comunidade de Portela para que se proceda á revisión do esbozo do seu monte veciñal conforme a proposta que achegan. Tras o requirimento oportuno, o 29.1.2024 foi presentada unha emenda da solicitude.
O 8.2.2024, o Servizo de Montes elaborou unha proposta co novo esbozo (2022_164), en que se recolle que a superficie do monte Portela pasa a ser de 210,599 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo V, ao final deste anuncio.
– MVMC Xuguiño (expediente 17/76), pertencente aos veciños de Xuguiño, na parroquia de Sequeiros, concello de Quiroga.
O 28.9.2022 tivo entrada unha solicitude da comunidade de Xuguiño para que se proceda á revisión do esbozo do seu monte veciñal conforme a proposta que achegan. Tras o requirimento oportuno, o 26.1.2024 foi presentada unha emenda da solicitude.
O 9.2.2024 o Servizo de Montes elaborou unha proposta co novo esbozo (2022_173), en que se recolle que a superficie do monte Xuguiño pasa a ser de 72,464 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo VI, ao final deste anuncio.
– MVMC Paradaseca (expediente 56/76), pertencente aos veciños da parroquia de Paradaseca, no concello de Quiroga.
O 28.9.2022 tivo entrada unha solicitude da comunidade de Paradaseca para que se proceda á revisión do esbozo do seu monte veciñal conforme a proposta que achegan. Tras o requirimento oportuno, o 24.1.2024 foi presentada unha emenda da solicitude.
O 31.1.2024, o Servizo de Montes elaborou unha proposta co novo esbozo (2022_195), en que se recolle que a superficie do monte Paradaseca pasa a ser de 683,404 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo VII, ao final deste anuncio.
– MVMC Rioseco (expediente 117/76), pertencente aos veciños de Barreiro e Nogueira, na parroquia de Nogueira, concello de Ribas de Sil.
O 28.9.2022 tivo entrada unha solicitude da comunidade de Barreiro e Nogueira para que se proceda á revisión do esbozo do seu monte veciñal conforme a proposta que achegan. Tras o requirimento oportuno, o 12.1.2024 e o 30.1.2024 foi presentada a emenda da solicitude.
O 26.2.2024, o Servizo de Montes elaborou unha proposta co novo esbozo (2022_203), en que se recolle que a superficie do monte Rioseco pasa a ser de 200,545 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo VIII, ao final deste anuncio.
– MVMC Monte da Pía-Valiña Longa (expediente 101/75), pertencente aos veciños da Pía, na parroquia de Noceda, concello das Nogais.
O 19.8.2022 tivo entrada unha solicitude da comunidade da Pía para que se proceda á revisión do esbozo do seu monte veciñal conforme a proposta que achegan.
O 26.2.2024 o Servizo de Montes elaborou unha proposta co novo esbozo (2022_51), en que se recolle que a superficie do Monte da Pía-Valiña Longa pasa a ser de 117,16 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo IX, ao final deste anuncio.
– MVMC Prados (expediente 11/81), pertencente aos veciños de Prados, na parroquia de Cereixedo, no concello de Cervantes.
O 7.2.2024 tivo entrada unha solicitude da comunidade de Prados para que se proceda a unha nova revisión do esbozo do seu monte veciñal debido a unha irregularidade detectada na delimitación do monte tras a revisión aprobada polo Xurado na sesión do 9.10.2023. Esta modificación refírese ao límite catastral entre as parcelas 192 e 181 do polígono 81, que non coincide coa realidade física sobre o terreo. A proposta precisa que entre ambas as parcelas hai un muro e un camiño que resulta ser o límite real do monte veciñal.
O 9.2.2024 o Servizo de Montes elaborou unha proposta co novo esbozo (2024_6), en que se recolle que a superficie do monte Prados pasa a ser de 205,83 hectáreas.
Examinada a devandita proposta, o Xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo X, ao final deste anuncio.
Contra os estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 3 de abril de 2024
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo