No BOP de Lugo número 72, do 26 de marzo de 2024, publicáronse integramente as bases que rexerán a convocatoria para cubrir as seguintes prazas:

A) Persoal laboral fixo descontinuo:

Denominación: encargado/a e socorristas en espazos acuáticos.

Grupo: C2.

Número de prazas: dous/dúas (2) socorristas e un/unha (1) encargado/a.

Duración do contrato: laboral fixo descontinuo. A duración do contrato abarcará desde o día 15 de xuño ata o 14 de setembro de cada ano. En calquera deles, a duración será de tres (3) meses.

O prazo de presentación de solicitudes será de vinte (20) días naturais, contados desde o día seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia de Lugo e no taboleiro de anuncios da sede electrónica do Concello de Xove.

Xove, 26 de marzo de 2024

José Demetrio Salgueiro Rapa
Alcalde