No Diario Oficial de Galicia número 55, do 18 de marzo de 2024, publicouse a Orde do 12 de marzo de 2024 pola que se aproban as bases xerais reguladoras e se convoca o proceso selectivo unitario para a provisión, mediante contrato laboral temporal, de postos de auxiliares de policía local.
O 9 de abril publicouse no Diario Oficial de Galicia número 69 a Resolución do 4 de abril pola que se aprobaron as relacións provisionais de persoas excluídas ao proceso, e se publicaron na páxina web da Agasp as relacións provisionais de persoas admitidas, así como a relación da totalidade dos aspirantes con indicación da exención ou non da proba de coñecementos de lingua galega, concedendo un prazo de cinco (5) días para emendas.
Finalizado o prazo de emenda, e de acordo co expresado na devandita orde, esta dirección xeral
RESOLVE:
Primeiro. Aprobar as listaxes definitivas de persoas admitidas e excluídas ao proceso unitario para a cobertura de postos de auxiliares de policía local convocados pola Orde do 12 de marzo de 2024 (DOG núm. 55, do 18 de marzo).
A listaxe definitiva de persoas aspirantes admitidas poderá consultarse a través da páxina web oficial da Academia Galega de Seguridade Pública, http://agasp.xunta.gal
A listaxe definitiva de persoas aspirantes excluídas, con indicación da causa determinante da súa exclusión, figura como anexo a esta resolución.
A listaxe definitiva de persoas exentas e non exentas da realización da proba de coñecemento da lingua galega poderá consultarse a través da páxina web oficial da Academia Galega de Seguridade Pública, http://agasp.xunta.gal
As listaxes publicadas na páxina web da Agasp serán as consideradas como válidas.
Segundo. Convocar as persoas admitidas para a realización da primeira e segunda proba do proceso que terán lugar o día 27 de abril de 2024 no pavillón número 2 do Recinto Feiral de Silleda. O chamamento para a primeira proba comezará ás 10.00 horas. As persoas aspirantes non poderán acceder ao recinto con ningún dispositivo electrónico. A súa simple pertenza dentro do recinto determinará a exclusión da persoa aspirante do proceso.
A primeira proba do proceso consiste en contestar por escrito un cuestionario de 50 preguntas tipo test máis 5 de reserva cuxo contido vén determinado no temario recollido no anexo III da convocatoria. Esta proba terá unha duración máxima dunha hora. Unha vez que rematen a proba as persoas aspirantes poden entregar o seu exercicio, para iso deben levantar a man e agardar a que un dos membros colaboradores do tribunal recolla o exame e lle indique que pode abandonar o recinto.
Unha vez rematada a primeira proba, efectuarase un segundo chamamento na porta número 1 para aqueles aspirantes que non acreditasen a exención da proba de idioma galego. A segunda proba, de coñecemento da lingua galega, consiste na tradución dun texto do castelán ao galego e outro do galego ao castelán e terá unha duración máxima dunha hora. Unha vez rematada a segunda proba poderán entregar o seu exercicio. Para iso deben levantar a man e agardar a que un dos membros colaboradores do tribunal recolla o exame e lle indique que pode abandonar o recinto.
As persoas convocadas deberán ir provistas de:
1 . DNI ou documento fidedigno que acredite a súa identidade.
2. Bolígrafo negro ou azul, tipo clásico.
Contra esta resolución, que pon fin á vía administrativa, poderase interpoñer recurso potestativo de reposición ante o director xeral da Agasp, no prazo dun mes, contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, ou ben interpoñer recurso contencioso-administrativo no prazo de dous meses contados do mesmo xeito, nos termos previstos na Lei 29/1998, do 13 de xullo, reguladora da xurisdición contencioso-administrativa.
A Estrada, 17 de abril de 2024
Santiago Villanueva Álvarez
Director xeral da Academia Galega de Seguridade Pública
ANEXO
Listaxe definitiva de persoas aspirantes excluídas
NIF |
Primeiro apelido |
Segundo apelido |
Nome |
Motivo (Cód.) |
|
1 |
***2814** |
Alcalde |
Silveira |
Andrea |
1 |
2 |
***6410** |
Alcántara |
Otero |
Sara |
4 |
3 |
***6122** |
Alonso |
Romero |
Rebeca |
1 |
4 |
***3860** |
Antonio |
Rey |
María Remedios |
3 |
5 |
***2640** |
Blanco |
Espada |
Estefanía |
2 |
6 |
***8766** |
Corbacho |
Rodríguez |
Alejandro |
2 |
7 |
***9073** |
Costas |
Salgueiro |
Verónica |
2 e 3 |
8 |
***3897** |
De la Fuente |
Touza |
André |
1 |
9 |
***7906** |
Ferreiro |
Pumariño |
Carlos |
1 |
10 |
***2528** |
Louro |
Rey |
Manuel Ángel |
2 |
11 |
***7904** |
Mariño |
González |
Mikel |
2 |
12 |
***0138** |
Núñez |
Martelo |
Marcos |
2 |
13 |
***5963** |
Parada |
Agra |
Brandán |
2 |
14 |
***4466** |
Pintos |
Louzao |
Yago |
1 |
15 |
***4629** |
Plaza |
Ríos |
Sonia Maritza |
3 |
16 |
***5644** |
Sánchez |
García |
Marcos |
4 |
17 |
***9188** |
Santos-Santorum |
Val |
Víctor |
1 |
Motivo da exclusión:
Cód. |
Descrición |
1 |
Solicitude incompleta ou incorrectamente cuberta ou fóra de prazo. |
2 |
Non foi posible consultar a inexistencia de antecedentes penais, ou a documentación achegada é incorrecta. |
3 |
Non ten ou non foi posible consultar a titulación académica requirida. |
4 |
Non presentar xustificante de aboamento da taxa ou xustificante da taxa incorrecto, incompleto ou redución da taxa non xustificada. |