No Xulgado do Contencioso-Administrativo número un de Vigo tramítase o procedemento dereitos fundamentais número 100/2024, interposto por Jorge Sío Rodríguez contra a Resolución reitoral do 22 de novembro de 2023, que pon fin ao proceso selectivo de acceso libre e promoción interna, polo sistema selectivo de concurso, para a estabilización do emprego temporal do PAS nas escalas e subescalas dos subgrupos C1 e C2, convocado pola Resolución do 1 de decembro de 2022 (DOG do 16 de decembro), en relación coa escala técnica especialista de tecnoloxías da información e comunicacións-subescala informática, no relativo á valoración de méritos profesionais.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, contado a partir do seguinte ao da publicación desta resolución no Diario Oficial de Galicia, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Vigo, 29 de abril de 2024
Manuel Joaquín Reigosa Roger
Rector da Universidade de Vigo