Mediante a Resolución do 24 de xuño de 2024, da Dirección Xeral de Formación Profesional, establécense as bases para o desenvolvemento dos ciclos formativos plurilingües nas ensinanzas profesionais de artes plásticas e deseño (PluriArt) para o curso 2024/25 (DOG núm. 128, do 24 de xuño de 2024), e establécese a convocatoria para as escolas de arte e superiores de deseño que desexen impartir estes ciclos plurilingües no curso 2024/25.

O punto décimo terceiro da antedita Resolución do 24 de xuño de 2024 establece que a directora xeral de Formación Profesional ditará unha resolución que conterá a relación de escolas de arte e superiores de deseño e ciclos autorizados, e que se publicará no Diario Oficial de Galicia.

En virtude do exposto anteriormente,

RESOLVO:

Primeiro. Publicar a relación de escolas de arte e superiores de deseño autorizadas para impartir ciclos formativos plurilingües (PluriArt) no curso 2024/25, así como os ciclos formativos autorizados.

Segundo. Contra esta resolución poderase interpor recurso de alzada ante o conselleiro de Cultura, Educación, Formación Profesional e Universidades no prazo dun mes, contado a partir do día seguinte ao da súa publicación no Diario Oficial de Galicia, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 31 de xullo de 2024

María Eugenia Pérez Fernández
Directora xeral de Formación Profesional

ANEXO

Escolas de arte e superiores de deseño autorizadas para impartir ciclos formativos plurilingües (PluriArt) no curso 2024/25 e ciclos formativos autorizados.

Código	Escola de arte e superior de deseño	Ciclo	Idioma
15005506	EASD Pablo Picasso	Dourado, Prateado e Policromía (ciclo formativo de grao superior)	Inglés
		Ilustración (ciclo formativo de grao superior)	Inglés
27006589	EASD Ramón Falcón	Fotografía (ciclo formativo de grao superior)	Inglés
		Serigrafía artística (ciclo formativo de grao medio)	Inglés