DOG 156 do 13/8/2024 - RESOLUCIÓN do 1 de agosto de 2024 pola que se dá publicidade da prórroga da vixencia da encarga á empresa pública Empresa de Transformación Agraria, S.A., S.M.E., M.P. (Tragsa), como medio propio personificado, para a execución dos traballos relativos ao acondicionamento das instalacións do Instituto Feiral da Coruña para o desempeño temporal das funcións administrativas do Complexo Hospitalario da Coruña.

III. Outras disposicións

Consellería de Sanidade

RESOLUCIÓN do 1 de agosto de 2024 pola que se dá publicidade da prórroga da vixencia da encarga á empresa pública Empresa de Transformación Agraria, S.A., S.M.E., M.P. (Tragsa), como medio propio personificado, para a execución dos traballos relativos ao acondicionamento das instalacións do Instituto Feiral da Coruña para o desempeño temporal das funcións administrativas do Complexo Hospitalario da Coruña.

De conformidade co previsto no artigo 8 da Lei 19/2013, do 9 de setembro, de transparencia, acceso á información pública e bo goberno, e no artigo 16 da Lei 1/2016, do 18 de xaneiro, de transparencia e bo goberno, dáse publicidade da prórroga que presenta as seguintes características:

I. Mediante a Resolución do 12 de xaneiro de 2024 (DOG núm. 26, do 6 de febreiro), encargóuselle á empresa pública Empresa de Transformación Agraria, S.A., S.M.E., M.P. (Tragsa), como medio propio personificado, a execución dos traballos relativos ao acondicionamento das instalacións do Instituto Feiral da Coruña para o desempeño temporal das funcións administrativas do Complexo Hospitalario da Coruña.

II. De conformidade co establecido na condición básica número 5 «Duración», a encarga terá unha vixencia de sete meses contados desde a súa sinatura e poderán ser acordadas as prórrogas do prazo de execución que sexan necesarias sempre e cando estean xustificadas as causas do atraso e sen que supoñan en ningún caso incremento do importe total da encarga.

III. Mediante o escrito do 9 de xullo de 2024, o xerente de zona da Coruña e Pontevedra da Empresa de Transformación Agraria, S.A., S.M.E., M.P. (Tragsa) solicitou unha prórroga da vixencia da encarga ata o 20 de setembro de 2024 e xustificou as causas do atraso en que durante a execución das obras se produciu unha falta de stock de materiais de obra por parte dos subministradores destes.

IV. Á vista destas circunstancias, a Resolución do 26 de xullo de 2024 prorroga ata o vindeiro 20 de setembro de 2024 a vixencia da encarga á empresa pública Empresa de Transformación Agraria, S.A., S.M.E., M.P. (Tragsa), como medio propio personificado, para a execución dos traballos relativos ao acondicionamento das instalacións do Instituto Feiral da Coruña para o desempeño temporal das funcións administrativas do Complexo Hospitalario da Coruña, mantendo inalteradas o resto das condicións previstas para a encarga na Resolución do 12 de xaneiro de 2024.

Santiago de Compostela, 1 de agosto de 2024

Antonio Gómez Caamaño
Conselleiro de Sanidade