De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, despois de intentar a notificación persoal dúas veces, as persoas interesadas son emprazadas para seren notificadas por comparecencia.

Polo que, por medio deste anuncio, os actos administrativos ditados en relación cos procedementos sancionadores en materia de protección dos dereitos e o benestar dos animais (Lei 7/2023, do 28 de marzo, BOE núm. 75, do 29 de marzo) sonlles notificados ás persoas indicadas no anexo.

Para o coñecemento íntegro de tal acto e a constancia deste, as ditas persoas interesadas, poderán comparecer no prazo e lugar que se sinalan a continuación:

– No prazo de dez (10) días, que se contarán desde o día seguinte ao da publicación deste anuncio no Boletín Oficial del Estado (BOE).

– Na sede desta dirección territorial provincial, situada na rúa Vicente Ferrer, 2, 8º andar, ala sur, A Coruña, das 9.00 ás 14.00 horas, de luns a venres.

Despois de transcorrer o dito prazo, sen que se efectúe a comparecencia, a notificación entenderase producida desde o día seguinte ao da publicación deste anuncio no Boletín Oficial del Estado.

A eficacia do presente anuncio queda supeditada á súa publicación no taboleiro de edictos único (TEU) do BOE.

A Coruña, 1 de agosto de 2024

María Pilar Arias Graña
Directora territorial da Coruña

ANEXO

Expediente	Persoa interesada DNI/NIF/NIE	Acto de notificación
ANI-CO-0018/2024-V	32844508W	Proposta de resolución
ANP-CO-0018/2024-V	79343479B	Acordo de inicio
ANP-CO-0019/2024-V	32717203W	Acordo de inicio
CON-CO-0013/2024-V	32388173X	Acordo de inicio