De acordo co artigo 12 da Orde do 22 de maio de 2024, pola que se establecen as bases reguladoras para a concesión de bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva para o curso 2024/25, e pola que se procede á súa convocatoria (código de procedemento DE400A) (DOG núm. 107, do 4 de xuño), e consonte o informe da Comisión de Selección, o 19 de xullo de 2024 a Secretaría Xeral para o Deporte formulou proposta de resolución provisional de bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva (CGTD) para a tempada 2024/25. O mesmo día publicouse a proposta de resolución provisional na páxina web da Secretaría Xeral para o Deporte e concedeuse un prazo de 10 días para formular alegacións, que rematou o 5 de agosto de 2024, data en que non houbo alegacións ao respecto.

Segundo o artigo 16 das bases reguladoras «O número de prazas convocadas é de 6. Para a súa cobertura atenderase, de ser posible en función das solicitudes presentadas, a criterios paritarios, de tal forma que 3 prazas sexan ocupadas por persoas do sexo feminino e as outras 3 por persoas do sexo masculino, coa finalidade de garantir unha correcta atención ao colectivo de deportistas do centro. Con esta finalidade, a cota de prazas destinada a cada sexo será ocupada polas persoas dese sexo que acaden a maior puntuación, en aplicación dos criterios de valoración previstos no artigo 9. No caso de que, polo número de solicitudes presentadas, non sexa posible a cobertura das prazas reservadas a un dos sexos, serán cubertas polas persoas solicitantes do outro sexo».

O 8 de agosto de 2024 a Secretaría Xeral para o Deporte formulou proposta de resolución definitiva de adxudicación das bolsas.

O artigo 12 das bases reguladoras establece que, baseándose na proposta de resolución definitiva, a persoa titular da Consellería de Presidencia, Xustiza e Deportes ditará resolución pola que se adxudican as bolsas para persoas colaboradoras na residencia do Centro Galego de Tecnificación Deportiva para o curso 2024/25. Esta resolución publicarase no Diario Oficial de Galicia, de conformidade co establecido no artigo 45 da Lei 39/2015, do 1 de outubro, do procedemento administrativo común das administracións públicas, e, así mesmo, será igualmente obxecto de publicidade a través da páxina web da Secretaría Xeral para o Deporte.

De acordo co exposto,

RESOLVO:

Primeiro. Adxudicar as bolsas de persoas colaboradoras na residencia do Centro Galego de Tecnificación Deportiva para o curso 2024/25, segundo a relación que figura como anexo desta resolución.

As persoas beneficiarias disporán dun prazo de dez (10) días para a súa aceptación, transcorrido o cal sen que se produza manifestación expresa entenderase tacitamente aceptada.

As baixas que se produzan unha vez publicada a listaxe definitiva teñen que ser comunicadas inmediatamente e por escrito ao enderezo de correo cgtd@xunta.gal para que poidan ser cubertas.

Contra esta resolución, que pon fin á vía administrativa, poderase interpoñer recurso potestativo de reposición perante a persoa titular da Consellería de Presidencia, Xustiza e Deportes, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 14 de agosto de 2024

O conselleiro de Presidencia, Xustiza e Deportes
P.D. (Decreto 136/2024, do 20 de maio,
e Orde do 12.6.2024; DOG núm. 117, do 18 de xuño)
José Ramón Lete Lasa
Secretario xeral para o Deporte

ANEXO

Listaxe de persoas colaboradoras no CGTD e listaxe de reserva

Nº	Solicitante colaborador	Muller/Home	Nova/ Renova	Estudante CCAFD, Univ., CFS	Puntos	Proxecto actividades	Puntos	DGAN/DAN/ DAR/CGTD	Puntos	Titulo CCAFD/ Maxisterio/ Técnico deportivo	Puntos	Informe dirección	Puntos	Total puntos
1	Bello Álvarez, Saúl	Home	Renova	CCAFD	6,0	1	1,0	DGAN	4,0	Técnico deportivo	1,0	3	3,0	15,00
2	Da Costa Piñeiro, Lucía	Muller	Renova	Universitarios	3,0	0		DGAN/CGTD	6,0		0,0	3	3,0	12,00
3	Picón Voces, Carlos Gutier	Home	Nova	CFS	2,0	2	2,0	DAN/CGTD	6,0		0,0	-		10,00
4	Giadás Couselo, Aarón	Home	Nova	CCAFD	6,0	2	2,0				0,0	-		8,00
5	Ruibal Rosende, Martín	Home	Nova	CFS	2,0	3	3,0				0,0	-		5,00
6	Acuña García, Cándido	Home	Renova	CFM		0		DAR	1,0	Técnico deportivo	1,0	2	2,0	4,00
RESERVA
7	Gómez Dacunha, Héctor	Home	Nova	CFS	2,0	0					0,0	-		2,00