En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Concello de Camariñas.

NIF: P-15.016.00I.

Expediente: DH.V15.100844.

Lugar: Xaviña.

Parroquia: Xaviña.

Concello: Camariñas.

Tipo de vertedura: augas residuais domésticas depuradas.

Caudal máximo anual: 18.250 m3/ano.

Punto de vertedura: X=487.643; Y=4.776.957.

Medio receptor: rego Lamastredo ou barranco Brañas Verdes (bacía da ría de Camariñas).

Tratamento/evacuación:

As augas residuais domésticas recollidas no saneamento dos núcleos da Costa, A Gándara, Covadiña, O Cruceiro, O Sisto, Os Borreiros, Os Pións e Pedrouso, todos eles pertencentes á parroquia de Xaviña, son tratadas nun sistema de depuración compacto de decantación-dixestión con filtro biolóxico deseñado para 250 habitantes equivalentes e vértense ao rego Lamastredo ou barranco Brañas Verdes mediante condución de polipropileno.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela solicitando cita previa no teléfono 981 54 50 87.

Os interesados poderán presentar alegacións durante o prazo de trinta días hábiles, contados a partir do seguinte á publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 1 de agosto de 2024

Leticia Valladares López
Xefa da Área de Verteduras