En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Carmen Carril Somoza/Comunidade Usuarios O Viso.

DNI: ***8621**.

Expediente: DH.A15.102544.

Volume total anual: 14.113,40 m3/ano.

Caudal máximo instantáneo: 1,68 l/s.

Destino: uso doméstico, gandeiro e rega.

Orixe: manancial.

Lugar: O Viso.

Parroquia: Arzúa.

Concello: Arzúa.

Descrición do aproveitamento:

O aproveitamento consiste na captación dun manancial situado na parcela nº 59 do polígono 514, mediante unha caseta de medidas aproximadas 1,5 m de fondo, 5,0 m de longo e 2,0 m de ancho. A auga recóllese a través dunha tubaxe de formigón nunha cámara de captación e repartición primaria contigua, cun depósito xeral de 0,263 m3 e dous depósitos ou cámaras de repartición de 0,192 m3. Desde o primeiro depósito condúcese a auga ao lugar de uso dun dos usuarios, situado a uns 171 m, e desde o segundo condúcese a outro depósito intermedio, situado a uns 64 m na parcela nº 58, duns 1,20x1,20x1,20 m, e posteriormente a unha arqueta de derivación, situada a uns 130 m, desde a cal se derivan acometidas para os outros dous usuarios.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Tomiño, 16, baixo, 15704 Santiago de Compostela (A Coruña), para facilitar esta consulta poderá solicitar cita previa no teléfono 981 54 49 27.

Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 2 de agosto de 2024

Jesús Antonio Manrique Merino
Xefe do Servizo Territorial da Zona Hidrográfica Galicia Centro