En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Concello de Lousame.

NIF: P1504300C.

Expediente: DH.V15.102957.

Lugar: Croído.

Parroquia: Lousame.

Concello: Lousame.

Tipo de vertedura: augas residuais domésticas depuradas.

Caudal máximo anual: 40.084 m3/ano.

Punto de vertedura: X=511.255; Y=4.735.805.

Medio receptor: rego Pesqueira (bacía da ría de Muros e Noia).

Tratamento/evacuación: as augas residuais domésticas recollidas no saneamento dos núcleos da Costa, A Silva, As Quintáns e Berrimes, todos eles pertencentes a parroquia de Lousame, son tratadas nun sistema de depuración constituído por decantador primario, reactor biolóxico e decantador secundario, deseñado para 382 habitantes equivalentes, antes da súa vertedura ao rego Pesqueira mediante condución de PVC.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, solicitando cita previa no teléfono 981 54 50 87.

Os interesados poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 1 de agosto de 2024

Leticia Valladares López
Xefa da Área de Verteduras