De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e no uso das atribucións conferidas polo Decreto 134/2019, do 10 de outubro, polo que se regulan as áreas sanitarias e os distritos sanitarios do Sistema público de saúde de Galicia (DOG núm. 204, do 25 de outubro), o xerente da Área Sanitaria de Pontevedra e O Salnés,

RESOLVE:

Primeiro. Anunciar a convocatoria para cubrir, polo procedemento de concurso de méritos e defensa pública dun proxecto técnico de xestión, varios postos de coordinación de técnicos superiores no Complexo Hospitalario Universitario de Pontevedra, na Área Sanitaria de Pontevedra e O Salnés, que se relacionan no anexo I.

Segundo. As retribucións dos postos ofertados serán as que correspondan de acordo coa orde anual pola que se ditan instrucións sobre a confección de nóminas do persoal ao servizo da Administración autonómica.

Terceiro. As solicitudes para participar nesta convocatoria presentaranse, preferentemente, no Rexistro da Área Sanitaria de Pontevedra e O Salnés, sito na rúa Loureiro Crespo, nº 2, de Pontevedra, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do día seguinte ao da publicación deste anuncio no Diario Oficial de Galicia.

Cuarto. As bases íntegras da convocatoria estarán expostas nos taboleiros de anuncios da Área de Dirección e na intranet da Área Sanitaria de Pontevedra e O Salnés, así como na páxina web do Servizo Galego de Saúde (www.sergas.es).

Pontevedra, 3 de setembro de 2024

José Manuel Flores Arias
Xerente da Área Sanitaria de Pontevedra e O Salnés

ANEXO I

Prazas

Denominación	Prazas	Área funcional	Categoría
Coordinador/a de técnicos superiores de Anatomía Patolóxica e Citoloxía	1	Servizo Anatomía Patolóxica Complexo Hospitalario Universitario Pontevedra Área Sanitaria de Pontevedra e O Salnés	Técnico/a superior en Anatomía Patolóxica e Citoloxía
Coordinador/a de técnicos superiores de Laboratorio de Diagnóstico Clínico	1	Servizo Laboratorio Complexo Hospitalario Universitario Pontevedra Área Sanitaria de Pontevedra e O Salnés	Técnico/a superior en Laboratorio de Diagnóstico Clínico
Coordinador/a de técnicos superiores de Imaxe para o Diagnóstico	1	Servizo Radiodiagnóstico Complexo Hospitalario Universitario Pontevedra Área Sanitaria de Pontevedra e O Salnés	Técnico/a superior en Imaxe para o Diagnóstico
Coordinador/a de técnicos superiores da Unidade de Docencia, Calidade e Innovación	1	Unidade de Docencia, Calidade e Innovación Complexo Hospitalario Universitario Pontevedra Área Sanitaria de Pontevedra e O Salnés	Técnico/a superior na Familia Profesional da Sanidade