Rematado o prazo de presentación de solicitudes para participar no proceso selectivo convocado por Resolución do 7 de maio de 2024, da Universidade da Coruña (DOG do 16 de maio) pola que se anuncia a convocatoria pública para a provisión de prazas mediante o sistema de libre designación,

Esta xerencia, no uso das atribucións conferidas no artigo 40 dos Estatutos desta universidade, aprobados polo Decreto 101/2004, do 13 de maio (DOG do 26 de maio), modificados polo Decreto 194/2007, do 11 de outubro, e da delegación de competencias operada por Resolución reitoral do 10 de xullo de 2024, resolve facer pública a adxudicación dos referidos postos do xeito que se indica:

Nº de posto	Denominación	Centro	Apelidos e nome	Nº de rexistro de persoal
750	Secretario/a	Reitoría	María Inés Fernández Pita	7641301502 A7495
239	Secretario/a	Vicerreitoría de Titulacións e Internacionalización	María Ruibal López	3265182168 A7493
347	Secretario/a	Vicerreitoría de Profesorado	Xaquín González Fuentes	3498943446 A7495
748	Secretario/a	Vicerreitoría de Infraestruturas e Sustentabilidade	Pablo García Barbeira	7641767668 A7495
386	Secretario/a	Vicerreitoría de Divulgación, Cultura e Deporte	Silvana María Martínez Rial	3282215968 A7493
396	Secretario/a	Vicerreitoría do Campus de Ferrol e Responsabilidade Social	Ana Rodríguez López	3269727746 A7495

O cesamento no destino actual dos/das funcionarios/as que obtiveron a praza producirase no prazo de tres días hábiles, contados a partir do seguinte ao da data da publicación desta orde no Diario Oficial de Galicia.

O prazo para a toma de posesión da praza adxudicada será de tres días hábiles contados a partir do seguinte ao do cesamento, se non implica cambio de residencia, ou de sete días hábiles se comporta cambio de residencia. No caso de que os/as adxudicatarios/as obteñan coa súa toma de posesión o reingreso ao servizo activo, o prazo será de vinte días hábiles e computarase desde a data da publicación desta orde no Diario Oficial de Galicia, de conformidade co establecido no artigo 14 do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo.

O cómputo dos prazos posesorios iniciarase cando rematen os permisos ou licenzas que, de ser o caso, fosen concedidos aos/ás interesados/as. Nos supostos de baixa temporal ou transitoria, o cómputo do prazo iniciarase a partir da correspondente alta.

Contra a presente resolución, que esgota a vía administrativa, poderase interpoñer un recurso contencioso-administrativo no prazo de dous meses, que se contarán desde o día seguinte ao da súa notificación ou publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderase interpoñer un recurso de reposición ante esta reitoría, no prazo dun mes, de acordo co establecido no artigo 123 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).

A Coruña, 2 de setembro de 2024

Mª Jesús Grela Barreiro
Xerente da Universidade da Coruña