O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único.
Darlle publicidade á relación dos convenios subscritos pola Consellería do Medio Rural nos meses de maio, xuño, xullo e agosto que se incorpora como anexo I a esta resolución.
Santiago de Compostela, 12 de setembro de 2024
Jorge Atán Castro
Secretario xeral técnico da Consellería do Medio Rural
ANEXO I
Convenios de colaboración subscritos pola Consellería do Medio Rural
nos meses de maio, xuño, xullo e agosto do ano 2024
|
Título |
Obxecto |
Data da sinatura |
Achega económica da Consellería (€) |
|
Convenio entre o Ministerio de Defensa e a Xunta de Galicia, a través da Consellería do Medio Rural, para a prevención de incendios forestais en Galicia durante a campaña de 2024. |
A colaboración do Ministerio de Defensa coa Xunta de Galicia, a través da Consellería do Medio Rural, co fin de previr incendios forestais no territorio de Galicia. Esta colaboración consistirá na despregadura operativa de patrullas terrestres, con misión de vixilancia e disuasión. |
10.7.2024 |
469.604,41 € |
|
Acordo de colaboración entre a Axencia Galega de Emerxencias e a Consellería do Medio Rural para o apoio loxístico na loita fronte aos incendios forestais a través da cesión de uso de dous vehículos cisterna «gran nutriz» para transporte de auga. |
Cesión do uso a prol da Consellería do Medio Rural de dous (2) vehículos cisterna «gran nutriz» para o seu uso nas operacións de extinción de incendios forestais |
18.7.2024 |
Sen achega económica |
|
Addenda de prórroga e modificación do convenio de colaboración entre a Consellería do Medio Rural e a Fundación Paideia para o desenvolvemento dun proxecto para a mellora do material forestal de reprodución. |
Pórroga de tres anos, co fin de continuar as actuacións para a consecución de resultados óptimos na produción de planta mellorada respecto de dúas das especies de frondosas autóctonas de maior interese: carballo (Quercus robur) e bidueiro (Bétula celtibérica). Modificación consistente na adaptación do texto e obrigas en función da actual estrutura da Xunta de Galicia. |
12.7.2024 |
173.287,50 € |