Mediante o Acordo do Pleno corporativo do Concello de Burela, que tivo lugar o 1 de decembro de 2022:
Primeiro. Corrixir os erros detectados no proxecto de expropiación correspondente ao expediente 790/2022 de solo dotacional xunto ao Hospital e substituír o seu contido polo anexo a esta proposta.
Segundo. Someter o proxecto de expropiación por procedemento de taxación conxunta a información pública por período dun mes, mediante anuncio no taboleiro de anuncios do Concello, no Diario Oficial de Galicia e nun xornal dos de maior circulación da provincia, para que quen poida resultar interesado formule as observacións e reclamacións que considere convenientes, en particular no que concirne á titularidade ou valoración dos seus respectivos dereitos.
Ademais, estará á disposición dos interesados na sede electrónica deste concello burela.sedelectronica.es
Terceiro. Notificar este acordo aos propietarios e titulares de dereitos afectados, acompañando á notificación a súa respectiva folla de aprecio e da proposta de fixación dos criterios de valoración, para que poidan formular alegacións no prazo dun mes, contado a partir da data de notificación.
Cuarto. Que se remitan as alegacións presentadas aos servizos técnicos para o seu informe.
De conformidade cos artigos 118 da Lei 2/2016, do 10 de febreiro, do solo de Galicia, e 201 e seguintes do Regulamento de xestión urbanística, aprobado polo Real decreto 3288/1978, do 25 de agosto, sométese a información pública polo prazo dun mes, contado desde o día seguinte ao da publicación deste anuncio.
Durante o devandito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición dos interesados na sede electrónica deste concello [http://burela.sedelectronica.es].
Este anuncio servirá de notificación aos interesados, no caso de que non poida efectuarse a notificación persoal do outorgamento do trámite de audiencia.
Burela, 5 de xuño de 2024
María del Carmen López Moreno
Alcaldesa