Mediante a Resolución da Alcaldía, do 13 de maio de 2024, apróbase inicialmente o Plan especial de infraestruturas e dotacións (PEID) coa finalidade de resolver os problemas de accesibilidade ao centro público integrado (CPI) Alcalde Xosé Pichel e ao polideportivo municipal, e abrir un novo viario para mellorar a mobilidade na zona.

De conformidade co artigo 75.1.a) da Lei 2/2016, do 10 de febreiro, do solo de Galicia, sométese a información pública polo prazo de dous meses contado desde a última publicación no Diario Oficial de Galicia, durante os que as persoas interesadas poderán presentar as súas alegacións.

Así mesmo, suspéndese o outorgamento de licenzas nas áreas afectadas polo plan especial, de conformidade cos artigos 47 da Lei 2/2016 e 86 do seu regulamento de desenvolvemento.

O dito documento pode consultarse na seguinte ligazón https://drive.google.com/drive/folders/1mOUKl6-zKgBeyZRiTjsBE4woOneX-nJA?usp=sharing, que se expón na sede electrónica deste concello (https://sede.coristanco.gal/sxc/es/informacion/tablon/).

Coristanco, 13 de setembro de 2024

Juan Carlos García Pose
Alcalde