Pola Orde do 10 de xullo de 2024 (DOG núm. 141, do 22 de xullo) anúnciase a convocatoria pública para a provisión, polo sistema de libre designación, dos postos de traballo vacantes no Servizo Galego de Saúde que se detallan no anexo I desa orde.
De conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e no uso das atribucións conferidas polo artigo 17.2.c) da citada lei, esta consellería
DISPÓN:
Primeiro. Resolver a convocatoria pública efectuada pola Orde desta consellería do 10 de xullo de 2024 e designar as persoas cuxos datos se sinalan no anexo desta orde, para ocupar os postos que tamén se especifican e que son seleccionadas conforme o establecido nas bases da citada convocatoria.
Segundo. De conformidade co establecido no artigo 8 do devandito Decreto 151/2022, do 4 de agosto, o prazo para tomar posesión do novo destino será de tres días hábiles se non implica cambio de residencia ou de sete días hábiles se comporta cambio de residencia. Cando os/as adxudicatarios/as dos postos obteñan coa súa toma de posesión o reingreso ao servizo activo, o prazo será dun mes.
O prazo de toma de posesión comezará a contar a partir do día seguinte ao do cesamento, que se deberá producir no prazo de tres días hábiles contados a partir do día seguinte ao da data de publicación desta orde no Diario Oficial de Galicia, agás no caso de procedencia doutras administracións, en que deberá efectuarse dentro dos tres días hábiles seguintes ao da comunicación da resolución de traslado á Comunidade Autónoma, co límite de dous meses.
Se a resolución comporta o reingreso ao servizo activo, o prazo de toma de posesión computarase desde a data de publicación desta orde no Diario Oficial de Galicia.
O cómputo dos prazos posesorios iniciarase cando rematen os permisos ou licenzas que, se é o caso, fosen concedidos aos/ás interesados/as.
Nos supostos de baixa temporal ou transitoria, o cómputo do prazo iniciarase a partir da correspondente alta.
Terceiro. A xefatura do centro en que causen baixa os/as traballadores/as, así como a daquel en que obteñan destino, emitirán, dentro do prazo sinalado no punto anterior, as correspondentes dilixencias de cesamento e toma de posesión, das cales se dará traslado á Dirección Xeral da Emprego Público e Administración de Persoal da Consellería de Facenda e Administración Pública.
Cuarto. Contra a presente orde, que pon fin á vía administrativa, poderase interpoñer recurso contencioso-administrativo no prazo de dous meses, contados a partir do día seguinte ao da súa notificación, ante o xulgado do contencioso-administrativo competente, de conformidade co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.
Potestativamente, e con carácter previo, poderase interpoñer recurso administrativo de reposición ante este órgano directivo, no prazo dun mes a partir do día seguinte ao da notificación, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 20 de setembro de 2024
Antonio Gómez Caamaño
Conselleiro de Sanidade
ANEXO
Datos do/da funcionario/a:
Apelidos e nome: Munín Sánchez, María Ángeles.
NIF: ***6160 **.
Corpo/escala/clase: persoal estatutario do Servizo Galego de Saúde/grupo administrativo da función administrativa.
Subgrupo: C1.
Datos do posto de traballo:
Denominación do posto: secretario/a do/da director/a xeral.
Código do posto: SAS030000015770001.
Nivel C.D.: 18.
Centro directivo ou dependencia: Dirección Xeral de Asistencia Sanitaria do Servizo Galego de Saúde.
Localidade: Santiago de Compostela.
Datos do/da funcionario/a:
Apelidos e nome: Pazos Crespo, Patricia.
NIF: ***2063 **.
Corpo/escala/clase: persoal estatutario do Servizo Galego de Saúde/categoría médicos/as de familia de atención primaria.
Subgrupo: A1.
Datos do posto de traballo:
Denominación do posto: subdirector/a xeral de Atención Primaria.
Código do posto: SGS030000115770001.
Nivel C.D.: 30.
Centro directivo ou dependencia: Dirección Xeral de Asistencia Sanitaria do Servizo Galego de Saúde.
Localidade: Santiago de Compostela.
Datos do/da funcionario/a:
Apelidos e nome: Piñeiro Redondo, Alicia.
NIF: ***0590 **.
Corpo/escala/clase: persoal estatutario do Servizo Galego de Saúde/grupo técnico da función administrativa.
Subgrupo: A1.
Datos do posto de traballo:
Denominación do posto: subdirector/a xeral de Integración Asistencial e Innovación.
Código do posto: SGS030000315770001.
Nivel C.D.: 30.
Centro directivo ou dependencia: Dirección Xeral de Asistencia Sanitaria do Servizo Galego de Saúde.
Localidade: Santiago de Compostela.
Datos do/da funcionario/a:
Apelidos e nome: Potel Villar, Daniel.
NIF: ***4444 **.
Corpo/escala/clase: corpo superior da Administración xeral da Comunidade Autónoma de Galicia.
Subgrupo: A1.
Datos do posto de traballo:
Denominación do posto: subdirector/a xeral de Selección de Persoal.
Código do posto: SAS050000115770001.
Nivel C.D.: 30.
Centro directivo ou dependencia: Dirección Xeral de Recursos Humanos do Servizo Galego de Saúde.
Localidade: Santiago de Compostela.
Datos do/da funcionario/a:
Apelidos e nome: Caamaño del Castillo, María Begoña.
NIF: ***6604 **.
Corpo/escala/clase: persoal estatutario do Servizo Galego de Saúde/grupo técnico da función administrativa.
Subgrupo: A1.
Datos do posto de traballo:
Denominación do posto: subdirector/a xeral de Xestión de Profesionais.
Código do posto: SAS050000215770001.
Nivel C.D.: 30.
Centro directivo ou dependencia: Dirección Xeral de Recursos Humanos do Servizo Galego de Saúde.
Localidade: Santiago de Compostela.
(*) Os NIF amósanse cifrados coa finalidade de protexer os datos de carácter persoal.