En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: LMT, CT, RBT Roma Piñor.
Situación: lugar de Piñor, concello de Barbadás.
Características principais recollidas no proxecto:
• Substitución na LMTA SCV806 dos apoios números 75-5 e 75-8, por novos apoios de celosía metálica, do tipo C-14/1000. Eliminación dos apoios existentes 75-6 e 75-7 e instalación dun novo apoio de celosía metálica, do tipo C-16/2000 en que se coloca o TC con matrícula 32HNN4. Substitución do condutor actual por 282 m de novo condutor do tipo LA-110, entre os apoios proxectados núm. 75-5 e núm. 75-8.
• Desmontaxe do transformador CT Roma Piñor-32C741 e instalación dun novo CT, do tipo compacto de manobra exterior, 2L1P, de 250 kVAs e r/t 20.000/400 V.
• LMTS a 20 kV de 72 m de lonxitude en condutor RHZ1-3x(1x150), coa orixe no paso A/S para realizar no apoio existente número B8H6PWXO e final nos empalmes para realizar na LMTS SCV806 despois de realizar entrada/saída no CT proxectado.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David Núñez Fernández, colexiado núm. 1.534 do ICOIIG, o 9.8.2024.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Os planos parcelarios do proxecto.
O que se fai público para o coñecemento xeral, así como, en particular, dos propietarios dos predios que figuran na relación anexa a este acordo e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación poderase examinar neste departamento territorial da Consellería de Economía e Industria de Ourense, rúa Curros Enríquez, núm. 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 11 de setembro de 2024
Alicia María López Míguez
Directora territorial de Ourense
ANEXO
Relación de bens e de dereitos afectados
Núm. de expediente: IN407A 2024/113-3.
Situación: lugar de Piñor, concello de Barbadás.
Denominación: LMT, CT, RBT Roma Piñor.
Predio núm. en proxecto: 1; referencia catastral: 32009A007001190000UM.
Lugar: Caño.
Cultivo: monte baixo.
Titular: descoñecido.
Afeccións: ocupación de 2 m2 para o apoio 75-5.
Predio núm. en proxecto: 2; referencia catastral: 32009A007001300000UX.
Lugar: Caño.
Cultivo: monte baixo.
Titular: Secundino Santos Alonso.
Afeccións: ocupación de 2 m2 para o apoio 75-6.
Predio núm. en proxecto: 3; referencia catastral: 32009A007003920001ID
Lugar: Lama.
Cultivo: prado.
Titular: Bispado de Ourense.
Afeccións: ocupación de 19 m2 para o apoio 75-8 e o CTC e 20 m2 de canalización soterrada.