Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», por medio deste anuncio notifícanse ás persoas relacionadas no anexo a data de ocupación e o requirimento das follas de valoración.

Tanto a acta previa como o depósito previo están ao dispor das persoas interesadas nas oficinas de expropiación da Consellería de Economía e Industria, Dirección Territorial da Coruña, Sección de Expropiacións, no Edificio Administrativo de Monelos, sito na rúa Vicente Ferrer, 2, 2º andar, das 9.00 ás 14.00 horas. Deberán solicitar cita previa no teléfono 981 18 23 78.

A partir do día seguinte ao de publicación deste anuncio no Boletín Oficial del Estado disporán as persoas afectadas dun prazo de quince días para chegar a un acordo coa empresa beneficiaria: UFD Distribución Electricidad, S.A., chamando ao teléfono 981 01 45 00, departamento de tramitacións, delegación da Coruña.

Rematado ese prazo sen acordo, disporán de vinte días de prazo para presentaren a folla de valoración en que valoren a indemnización que lles corresponde pola expropiación.

A Coruña, 26 de setembro de 2024

Isidoro Martínez Arca
Director territorial da Coruña

ANEXO

Expediente nº	Predio nº	Titular proposto
2021/202-1	1	Herdeiros de Flora Ríos Lago