Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante este anuncio os titulares que figuran no cadro anexo son informados da data do depósito previo á ocupación que realiza a empresa beneficiaria en relación coa expropiación sobre os bens e dereitos afectados pola instalación eléctrica denominada Substitución de apoios por fin de vida útil na LAMT 20 kV CAS806 Rairo II 6’’ entre os apoios B7L317BN (13471479) e B7EBAAO7//D195-24 (13061228), situada no concello de Toén.
Así mesmo, e de acordo co artigo 29 da Lei do 16 de decembro de 1954, de expropiación forzosa, son requiridos para que presenten ante o Departamento Territorial da Consellería de Economía e Industria de Ourense, no prazo de vinte (20) días hábiles contados a partir do seguinte ao desta publicación no BOE, a súa folla de valoración, na cal concretarán de xeito motivado o valor en que estiman a servidume imposta, e aleguen o que coiden conveniente ao seu dereito. A dita valoración poderá estar avalada pola sinatura dun perito.
Ourense, 1 de outubro de 2024
Alicia María López Míguez
Directora territorial de Ourense
ANEXO
Relación de afectados descoñecidos, con enderezo ignorado
ou non notificados
Núm. de expediente: IN407A 2023/235-3.
Instalación: substitución de apoios por fin de vida útil na LAMT 20 kV CAS806 Rairo II 6’’ entre os apoios B7L317BN (13471479) e B7EBAAO7//D195-24 (13061228).
Concello: Toén.
Empresa beneficiaria: UFD Distribución Electricidad, S.A.
|
Predio núm. |
Lugar |
Referencia catastral |
Titular |
Data do depósito |
|
1 |
Bouzoás |
32082A027000250000LE |
Descoñecido |
30.9.2024 |
|
2 |
Bouzoás |
32082A027001870000LS |
Descoñecido |
30.9.2024 |