BDNS (Identif.): 773466.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).

Primeiro. Entidades beneficiarias

Poderán ser beneficiarias das subvencións as confrarías de pescadores e federacións destas, as organizacións de produtores pesqueiros, as entidades asociativas xuridicamente recoñecidas e constituídas por profesionais do sector pesqueiro, e as entidades sen ánimo de lucro integradas exclusivamente polas confrarías de pescadores e federacións destas.

Segundo. Obxecto

Esta orde ten por obxecto ampliar o crédito máximo destinado a financiar as axudas a proxectos colectivos, financiados polo Fondo Europeo Marítimo, de Pesca e de Acuicultura (FEMPA), para a restauración da biodiversidade e dos ecosistemas mariños mediante medidas de conservación no marco de actividades marisqueiras sustentables, con cargo á aplicación orzamentaria 46.03.723A.770.1, código de proxecto 2024 142, na anualidade 2025 da convocatoria 2024, nun importe de 55.000 €.

Terceiro. Bases reguladoras

Orde do 2 de xullo de 2024 pola que se establecen as bases reguladoras xerais e a convocatoria para o ano 2024 para a concesión, en réxime de concorrencia competitiva, de axudas a proxectos colectivos, financiados polo Fondo Europeo Marítimo, de Pesca e de Acuicultura (FEMPA), para a restauración da biodiversidade e dos ecosistemas mariños mediante medidas de conservación no marco de actividades marisqueiras sustentables (código de procedemento PE209B).

Cuarto. Contía

No ano 2024 as axudas concederanse con cargo á aplicación orzamentaria 46.03.723A.770.1, código de proxecto 2024 142, na cal existe crédito adecuado e suficiente nos orzamentos xerais da Comunidade Autónoma de Galicia para o ano 2024.

O importe máximo das subvencións que se concedan en 2024 será dun millón oitocentos cinco mil euros, distribuído en dúas anualidades:

– Anualidade 2024: 1.000.000,00 €.

– Anualidade 2025: 805.000,00 €.

Quinto. Prazo de presentación de solicitudes

A publicación desta orde de ampliación de crédito non implicará a modificación do prazo establecido para presentar solicitudes

Santiago de Compostela, 11 de outubro de 2024

Marta Barreiro Castro
Secretaria xeral técnica da Consellería do Mar