O Pleno do Concello de Vilanova de Arousa, en sesión ordinaria do 30.9.2024, acordou:

Primeiro. Aprobar definitivamente o Plan especial de infraestruturas e dotacións para a instalación dun centro de talasoterapia, espazos libres e zona deportiva no lugar do Terrón, Vilanova de Arousa.

Segundo. Ordenar aos servizos municipais que continúen coa tramitación do expediente, segundo o disposto nos artigos 75, 82 e 88 da Lei 2/2016, do 16 de febreiro, do solo de Galicia (LSG), e nos artigos 186 do Decreto 143/2016, do 22 de setembro, polo que se aproba o Regulamento da Lei do solo de Galicia (RSG).

O contido íntegro do plan e a indicación das medidas adoptadas para o seguimento dos efectos no ambiente, así o como extracto elaborado con carácter previo á aprobación do documento (que inclúe a xustificación da integración no plan dos aspectos ambientais, a xustificación de como se tomaron en consideración no plan o estudo ambiental estratéxico, os resultados da información pública e de consultas, e a declaración ambiental estratéxica, as discrepancias xurdidas no proceso e razóns da alternativa seleccionada), están á disposición do público na sede electrónica do Concello de Vilanova de Arousa: https://sede.vilanovadearousa.gal/

Contra o acordo de aprobación definitiva do citado plan especial poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.

Vilanova de Arousa, 10 de outubro de 2024

Gonzalo Durán Hermida
Alcalde