De acordo co disposto no artigo 7 da Resolución do 23 de outubro de 2008 (DOG número 221, do 13 de novembro), pola que se dispón a publicación do Regulamento interno de organización e funcionamento do Consello Galego de Relacións Laborais, as organizacións sindicais e empresariais designarán os seus membros representativos, que serán nomeados pola persoa titular da consellería competente en materia de traballo.

Facendo uso da posibilidade de substitución que recolle o artigo 7 da dita resolución, a Confederación de Empresarios de Galicia acordou o nomeamento dun membro suplente do Pleno do Consello Galego de Relacións Laborais.

Por todo o exposto, ao abeiro do artigo 7 da referida Resolución do 23 de outubro de 2008, e en uso das atribucións que teño conferidas,

DISPOÑO:

Artigo único

Nomear como membro suplente do Pleno do Consello Galego de Relacións Laborais, en representación da Confederación de Empresarios de Galicia, a Luis Abelleira Mayor, en substitución de Guadalupe Hervera Iglesias.

Santiago de Compostela, 10 de outubro de 2024

José González Vázquez
Conselleiro de Emprego, Comercio e Emigración