En cumprimento do previsto no artigo 152.8.b) do Regulamento xeral de costas, aprobado polo Real decreto 876/2014, do 10 de outubro, faise público que se está a tramitar a seguinte solicitude de autorización de vertedura:

Solicitante: Concello de Mañón.

NIF: P1504500H.

Expediente: DH.V15.102837.

Lugar: O Porto de Bares.

Parroquia: Bares (Santa María).

Concello: Mañón.

Tipo de vertedura: augas residuais urbanas depuradas.

Caudal máximo anual: 49.275 m3/ano.

Punto de vertedura: X=607.276; Y=4.847.408.

Medio receptor: ría do Barqueiro (bacía da ría de Santa Marta de Ortigueira).

Tratamento/evacuación:

As augas residuais urbanas recollidas no saneamento dunha parte do núcleo do Porto de Bares-Bares son tratadas na EDAR do Porto de Bares, constituída por dúas depuradoras compactas de aireación prolongada dispostas en paralelo, unha deseñada para 250 habitantes equivalentes e outra deseñada para 500 habitantes equivalentes. O efluente depurado vértese á ría do Barqueiro mediante condución de PVC.

O proxecto pode consultarse na sección Participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia, situadas na praza de Camilo Díaz Baliño, 7-9, Santiago de Compostela, solicitando cita previa no teléfono 981 54 50 87.

Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 27 de setembro de 2024

Cristina Carrión Rodríguez
Xefa do Servizo de Xestión Ambiental das Augas