A Lei 8/2013, do 28 de xuño, de estradas de Galicia recolle no seu artigo 6.2 aqueles elementos que teñen a consideración de elementos funcionais da estrada, entre os que se atopan as paradas de autobús.

O Consello da Xunta de Galicia aprobou o 6 de maio de 2024 a Estratexia Galega de Mobilidade, cuxo obxectivo é analizar e planificar en todo o seu conxunto a mobilidade na Comunidade Autónoma de Galicia e adaptala aos retos da sociedade do futuro en materia de mobilidade sostible; definindo como prioridades a redución da necesidade de desprazamentos, a redución de distancias e emisións, así como a consecución dun sistema de transporte seguro en todos os seus modos.

Así mesmo, mediante a Resolución do director da Axencia Galega de Infraestruturas do 13 de setembro de 2024 aprobouse provisionalmente o proxecto de trazado: mellora de accesibilidade e conectividade das paradas de autobús situadas na RAEG nas rutas de acceso polo norte á cidade de Pontevedra, de clave PO/22/059.06, nos concellos da Estrada, A Lama, Barro, Campo Lameiro, Catoira, Forcarei, Ponte Caldelas, Moraña, Vilagarcía de Arousa e Vilanova de Arousa (provincia de Pontevedra), que se tramitará segundo o disposto na Lei 8/2013, do 28 de xuño, de estradas de Galicia e no Decreto 66/2016, do 26 de maio, polo que se aproba o Regulamento xeral de estradas de Galicia.

Esta actuación é susceptible de ser cofinanciada pola Unión Europea a través do Fondo Europeo de Desenvolvemento Rexional (Feder) no marco do programa Galicia Feder 2021-2027.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de trazado: mellora de accesibilidade e conectividade das paradas de autobús situadas na RAEG nas rutas de acceso polo norte á cidade de Pontevedra, de clave PO/22/059.06, para que as persoas que o consideren oportuno poidan formular, por escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, no seu caso, de acordo co disposto no artigo 21.1 da Lei 8/2013, do 28 de xuño, de estradas de Galicia e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia.

Segundo. Someter ao tramite de información publica a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito os datos oportunos para rectificar posibles erros da relación publicada ou opoñerse, por razóns de fondo ou forma, á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos e non comprendidos na relación, como máis conveniente ao fin que se persegue, de acordo co disposto nos artigos 17, 18 e 19 da Lei do 16 de decembro de 1954 sobre expropiación forzosa.

Terceiro. Do mesmo xeito, sométese o presente proxecto a información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. O prazo para presentar alegacións será de trinta (30) días hábiles contados desde o seguinte ao da publicación deste anuncio no Diario Oficial de Galicia.

A documentación que compón o proxecto estará á disposición da cidadanía na sede central da Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (avenida Mª Victoria Moreno, 43-1º, 36071 Pontevedra) e nas casas dos concellos da Estrada, A Lama, Barro, Campo Lameiro, Catoira, Forcarei, Ponte Caldelas, Moraña, Vilagarcía de Arousa e Vilanova de Arousa.

Así mesmo, a documentación íntegra do proxecto e un extracto do documento, cos obxectivos, localización e descrición da actuación, estarán dispoñibles na páxina web da Consellería de Vivenda e Planificación de Infraestruturas:

https://vivendaeinfraestruturas.xunta.gal/informacion-publica/estudos

Santiago de Compostela, 26 de setembro de 2024

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Mellora de accesibilidade e conectividade das paradas de autobús situadas na RAEG
nas rutas de acceso polo norte á cidade de Pontevedra, clave PO/22/059.06

Concellos: A Estrada, Barro, Catoira, Ponte Caldelas e Vilanova de Arousa.

Nº	Concello	Referencia catastral	Políg.	Parc.	Titular	NIF	Clase de solo (catastro)	Clasificación urbanística	Sit. básica do solo (RDL 7/2015)	Expropiación m2	Ocupación temporal m2
1	Ponte Caldelas	36043A02900372	29	372	Manuel Muíños Amoedo	***5115**	Urbano	S. urbano consolidado	Urbanizado	26,49	-
2	Ponte Caldelas	36043A02900375	29	375	Epifanio Adán Canda	***3880**	Urbano	S. urbano non consolidado	Urbanizado	67,48	-
3	Ponte Caldelas	36043A02900376	29	376	Consuelo Suárez Montes (hrdos.)	***0097**	Urbano	S. urbano non consolidado	Urbanizado	89,68	-
4	Barro	36002A21600308	216	308	En investigación		Urbano	S. urbano non consolidado	Urbanizado	9,00	-
5	Barro	36002A21600314	216	314	Manuel Rivas Rey	***1190**	Urbano	S. urbano consolidado	Urbanizado	19,33	-
6	Vilanova de Arousa	36061A32400046	324	46	José Lino Rodríguez Márquez	***0057**	Urbano	S. urbano consolidado	Urbanizado	100,57	-
7	Vilanova de Arousa	36061A32200147	322	147	Ramiro Rafael Martínez Señoráns	***1246**	Rústico	S. núcleo rural común	Rural	-	205,41
8	Catoira	2638012NH2223N		12	Antonio Conde Aragunde	***4053**	Urbano	S. urbano non consolidado	Urbanizado	2,20	-
9	A Estrada	36017W52502061	525	2061	José Manuel Tomé Carbia	***7156**	Rústico	S. núcleo rural común	Rural	27,66	-