No Diario Oficial de Galicia número 145, do 29 de xullo de 2024, publicouse a Resolución do 15 de xullo de 2024, da Consellería de Política Social e Igualdade, pola que se publica a convocatoria, mediante o procedemento de asignación de concerto social, para a prestación do servizo de xestión dos puntos de encontro familiar da Coruña e Ourense (código de procedemento BS213S).

O número 6 da cláusula M) do anexo I da dita Resolución do 15 de xullo de 2024 establece que a resolución de concertación será publicada no Diario Oficial de Galicia e a publicación terá os efectos da notificación, consonte o artigo 45 da Lei 39/2015, do 1 de outubro, do procedemento administrativo común das administracións públicas. Así mesmo, será igualmente publicada a través da páxina web da Consellería de Política Social e Igualdade.

Unha vez instruído de conformidade coas bases do procedemento de selección, tras a valoración dos criterios e emitida a proposta, o 24 de setembro de 2024 o órgano competente emite a resolución que finaliza o dito procedemento.

Polo exposto,

RESOLVO:

Primeiro. Ordenar a publicación no Diario Oficial de Galicia do contido íntegro da Resolución do 18 de outubro de 2024, ditada no procedemento BS213S, de selección de entidade/s privada/s sen ánimo de lucro para a execución do servizo de xestión dos puntos de encontro familiar da Coruña e Ourense, que se xuntará á presente resolución no anexo.

Segundo. Unha vez notificada a resolución polo órgano competente, formalizarase o concerto coa entidade seleccionada para cada lote.

A formalización deste concerto social, de acordo co establecido no artigo 19 do Decreto 229/2020, do 17 de decembro, polo que se desenvolve o réxime de concertos sociais no ámbito da Comunidade Autónoma de Galicia, farase mediante un documento administrativo, dentro dos 30 días seguintes ao da publicación da resolución de concertación.

O concerto social perfeccionarase coa súa formalización e non se poderá iniciar a súa execución sen se ter efectuado esta previamente.

Efectuada a formalización, a entidade concertada estará obrigada a prestar ás persoas usuarias os servizos sociais nas condicións establecidas na normativa sectorial aplicable, na resolución da convocatoria do concerto social e, de ser o caso, nos criterios de preferencia e selección da entidade.

Santiago de Compostela, 18 de outubro de 2024

Jacobo José Rey Sastre
Director xeral de Familia, Infancia e Dinamización Demográfica

ANEXO

Resolución do 18 de outubro de 2024 pola que se selecciona unha entidade privada sen ánimo de lucro para a concertación, mediante procedemento de asignación de concerto social, da prestación do servizo dos puntos de encontro familiar da Coruña e Ourense (código de procedemento BS213S)

A través da Resolución do 15 de xullo de 2024, da Consellería de Política Social e Igualdade, publícase a convocatoria, mediante procedemento de asignación de concerto social, para a selección de entidades encargadas da prestación do servizo de xestión dos puntos de encontro familiar da Coruña e Ourense (código de procedemento BS213S).

As entidades presentadas, segundo os lotes, son as seguintes:

Entidade solicitante	NIF	Data de presentación	Lote a que se presenta
Fundación Meniños	G15551120	26.8.2024	Lote 1. PEF da Coruña Lote 2. PEF de Ourense
Fundación Educativa e Social Dignidade	G27473677	27.8.2024	Lote 1. PEF da Coruña Lote 2. PEF de Ourense
Eulen Servicios Sociosanitarios, S.A.	A79022299	29.8.2024	Lote 1. PEF da Coruña Lote 2. PEF de Ourense
Fundación Diagrama Intervención Psicosocial	G73038457	29.8.2024	Lote 1. PEF da Coruña Lote 2. PEF de Ourense
Asociación Centro Trama	G80054760	29.8.2024	Lote 2. PEF de Ourense

Unha vez examinadas as solicitudes polo órgano instrutor, avaliadas as ditas solicitudes pola Comisión de Valoración, vista a proposta de resolución formulada pola Dirección Xeral de Familia, Infancia e Dinamización Demográfica,

RESOLVO:

Primeiro. Seleccionar para levar a cabo a execución do lote 1, punto de encontro familiar da Coruña, a entidade que obtén a maior puntuación, en aplicación dos criterios de valoración e do baremo da cláusula O) do anexo I da Resolución do 15 de xullo de 2024.

Consonte os criterios de valoración reflectidos no texto da resolución, a Comisión de Valoración establece a seguinte puntuación para as entidades presentadas ao lote 1 do concerto:

Entidade	NIF	Total puntuación
Fundación Meniños	G15551120	69,5 puntos
Fundación Educativa e Social Dignidade	G27473677	58,5 puntos
Eulen Servicios Sociosanitarios, S.A.	A79022299	74,5 puntos
Fundación Diagrama Intervención Psicosocial	G73038457	77 puntos

Segundo. Seleccionar para levar a cabo a execución do lote 2, punto de encontro familiar de Ourense, a entidade que obtén a maior puntuación, en aplicación dos criterios de valoración e do baremo da cláusula O) do anexo I da Resolución do 15 de xullo de 2024.

Consonte os criterios de valoración reflectidos no texto da resolución, a Comisión de Valoración establece a seguinte puntuación para as entidades presentadas ao lote 2 do concerto:

Entidade	NIF	Total puntuación
Fundación Meniños	G15551120	69,5 puntos
Fundación Educativa e Social Dignidade	G27473677	58,5 puntos
Eulen Servicios Sociosanitarios, S.A.	A79022299	74,25 puntos
Fundación Diagrama Intervención Psicosocial	G73038457	77 puntos
Asociación Centro Trama	G80054760	73 puntos

Terceiro. Adxudicar o lote 1 do concerto social, punto de encontro familiar da Coruña, do xeito que a seguir se indica, polo importe que se sinala, á entidade seguinte:

NIF	Entidade
G73038457	Fundación Diagrama Intervención Psicosocial

Código de procedemento: BS213S.

Modalidade de concertación: procedemento de asignación de concertos.

Data de publicación da convocatoria no Diario Oficial de Galicia: 29.7.2024.

Prazo de execución: o prazo de duración do concerto será desde a data da súa formalización ata o 31.10.2028.

O importe de adxudicación (exento de IVE) é o seguinte:

Distribución de anualidades
Anualidade	Importe
2024 (2 meses)	37.730,12 €
2025	232.387,18 €
2026	233.766,07 €
2027	233.766,07 €
2028 (10 meses)	194.805,07 €

Cuarto. Adxudicar o lote 2 do concerto social, punto de encontro familiar de Ourense, do xeito que a seguir se indica, polo importe que se sinala, á entidade seguinte:

NIF	Entidade
G73038457	Fundación Diagrama Intervención Psicosocial

Código de procedemento: BS213S.

Modalidade de concertación: procedemento de asignación de concertos.

Data de publicación da convocatoria no Diario Oficial de Galicia: 29.7.2024.

Prazo de execución: o prazo de duración do concerto será desde a data da súa formalización ata o 31.10.2028.

O importe de adxudicación (exento de IVE) é o seguinte:

Distribución de anualidades
Anualidade	Importe
2024 (2 meses)	30.504,26 €
2025	187.639,64 €
2026	189.018,53 €
2027	189.018,53 €
2028 (10 meses)	157.515,44 €

Quinto. Asinar o concerto social para cada un dos lotes coa entidade seleccionada dentro dos 30 días seguintes ao da publicación da resolución de concertación, segundo indica o artigo 19 do Decreto 229/2020, do 17 de decembro, polo que se desenvolve o réxime de concertos sociais no ámbito da Comunidade Autónoma de Galicia.

Sexto. Contra esta resolución, que esgota a vía administrativa, poderase interpoñer recurso potestativo de reposición ante o mesmo órgano que a ditou, no prazo dun mes contado a partir do día seguinte ao da publicación desta resolución no Diario Oficial de Galicia, ou ben directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ao da súa publicación no Diario Oficial de Galicia.

Sétimo. A resolución de concertación será publicada no Diario Oficial de Galicia e a publicación terá os efectos da notificación, consonte o artigo 45 da Lei 39/2015, do 1 de outubro, do procedemento administrativo común das administracións públicas, tal como se indica no artigo 17.2 do Decreto 229/2020, do 17 de decembro.

Santiago de Compostela, 18 de outubro de 2024

A conselleira de Política Social e Igualdade
P.D. (Anexo I, letra J), da Resolución do 15 de xullo de 2024)
Jacobo Rey Sastre
Director xeral de Familia, Infancia e Dinamización Demográfica