O Pleno da Corporación do Concello de Santiago de Compostela, na sesión celebrada o 26 de setembro de 2024, adoptou o seguinte acordo:

Aprobar definitivamente o estudo de detalle para o establecemento de condicións estéticas de fachada nos chalés acaroados na zona Z.1 do SUNP-29 (Brandía), segundo o documento reformado presentado o 24.06.2024 por Emilio Rosa Solana, asinado polos arquitectos José Lorenzo Crespo Rama e Diego Campos Juanatey.

O acordo de aprobación definitiva publicarase no Diario Oficial de Galicia e a normativa urbanística publicarase no Boletín Oficial da provincia. Así mesmo, remitirase á Consellería de Vivenda e Planificación de Infraestruturas a documentación exixida polo artigo 88.3 da LSG, para os efectos de inscribir o estudo de detalle no Rexistro de Ordenación do Territorio e Planeamento Urbanístico de Galicia.

En todo caso, e de conformidade co exixido polo artigo 199.4 do RLSG, a eficacia do acto de aprobación definitiva e a entrada en vigor do plan quedan condicionadas ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, de bases do réxime local, en relación co 65.4 da mesma lei.

Contra o acordo de aprobación definitiva do citado estudo de detalle poderase interpor directamente recurso contencioso-administrativo ante o Tribunal Superior de Xustiza de Galicia, no prazo de dous meses contado a partir do día seguinte ao da publicación deste anuncio.

Santiago de Compostela, 16 de outubro de 2024

A alcaldesa
(P.D. DEC/2023/8135, do 17 de xuño de 2023)
Iago Lestegás Tizón
Concelleiro delegado de Urbanismo, Vivenda e Cidade Histórica