De conformidade coa proposta elevada polas comisións nomeadas para xulgar o concurso para a provisión de prazas dos corpos docentes universitarios, convocados mediante a Resolución desta universidade do 25 de xuño de 2024 (BOE do 2 de xullo), e presentada polas persoas interesadas a documentación a que fai referencia a base novena da convocatoria.

Esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que deberá efectuarse no prazo máximo de 20 días contado desde o día seguinte ao da publicación desta resolución no Boletín Oficial del Estado.

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra a presente resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contado desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 23 de outubro de 2024

Antonio López Díaz
Reitor da Universidade de Santiago de Compostela

ANEXO

Número concurso	Nome	Apelidos	DNI	Corpo docente	Área de coñecemento	Departamento	Localidade	Código praza
1C/24	María Isabel	Quiroga Berdeal	***1134**	Catedráticas e catedráticos de universidade	Medicina e Cirurxía Animal	Anatomía, Produción Animal e Ciencias Clínicas Veterinarias	Lugo	A00778
2C/24	José Manuel	Cameselle Teijeiro	***2226**	Catedráticas e catedráticos de universidade	Anatomía Patolóxica	Ciencias Forenses, Anatomía Patolóxica, Xinecoloxía e Obstetricia, e Pediatría	Santiago de Compostela	A00779
6C/24	María Luisa	Chas Amil	***7689**	Catedráticas e catedráticos de universidade	Economía Aplicada	Economía Cuantitativa	Santiago de Compostela	A00783
18C/24	Rosana	Rodríguez López	***1768**	Catedráticas e catedráticos de universidade	Análise Matemática	Estatística, Análise Matemática e Optimización	Santiago de Compostela	A00795
20C/24	Francisco José	Fraga López	***5289**	Catedráticas e catedráticos de universidade	Física Aplicada	Física Aplicada	Lugo	A00797
21C/24	Josefa	Salgado Carballo	***1519**	Catedráticas e catedráticos de universidade	Física Aplicada	Física Aplicada	Santiago de Compostela	A00798
28C/24	Pablo	Gamallo Otero	***9955**	Catedráticas e catedráticos de universidade	Lingüística Xeral	Lingua e Literatura Españolas, Teoría da Literatura e Lingüística Xeral	Santiago de Compostela	A00805
43C/24	Manuel	Amorín López	***1432**	Catedráticas e catedráticos de universidade	Química Orgánica	Química Orgánica	Santiago de Compostela	A00820