De conformidade coa proposta elevada polas comisións nomeadas para xulgar o concurso para a provisión de prazas dos corpos docentes universitarios, convocados mediante a Resolución desta universidade do 26 de xuño de 2024 (BOE do 2 de xullo), e presentada polas persoas interesadas a documentación a que fai referencia a base novena da convocatoria,

Esta reitoría, en uso das atribucións conferidas polo artigo 50 da Lei orgánica 2/2023, do 22 de marzo, do sistema universitario (BOE do 23 de marzo), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán efectos a partir da correspondente toma de posesión polas persoas interesadas, que deberá efectuarse no prazo máximo de 20 días contado desde o día seguinte ao da publicación desta resolución no Boletín Oficial del Estado (BOE).

No caso de que a persoa aspirante se atope en situación de incapacidade temporal, o prazo para a toma de posesión comezará a partir do día seguinte hábil á data de finalización da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, en que poderán tomar posesión durante esta situación.

Contra esta resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contado desde o seguinte ao da súa publicación no BOE, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 23 de outubro de 2024

Antonio López Díaz
Reitor da Universidade de Santiago de Compostela

ANEXO

Número concurso	Nome	Apelidos	DNI	Corpo docente	Área de coñecemento	Departamento	Localidade	Código praza
4T/24	Ana	De Castro Ríos	***6572**	Profesoras e profesores titulares de universidade	Toxicoloxía	Ciencias Forenses, Anatomía Patolóxica, Xinecoloxía e Obstetricia, e Pediatría	Santiago de Compostela	C02012
7T/24	Paulo Carlos	López López	***0518**	Profesoras e profesores titulares de universidade	Ciencia Política e da Administración	Ciencia Política e Socioloxía	Santiago de Compostela	C02015
11T/24	José Eugenio	Rodríguez Fernández	***7844**	Profesoras e profesores titulares de universidade	Didáctica da Expresión Corporal	Didácticas Aplicadas	Santiago de Compostela	C02019
32T/24	Diana	Pelaz Flores	***8117**	Profesoras e profesores titulares de universidade	Historia Medieval	Historia	Santiago de Compostela	C02040
40T/24	César	Pérez Cruzado	***4352**	Profesoras e profesores titulares de universidade	Proxectos de Enxeñaría	Produción Vexetal e Proxectos de Enxeñaría	Lugo	C02048