En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: Concello de Coristanco.
Expediente: DH.A15.102657.
Volume total anual: 693.792 m3/ano.
Caudal máximo instantáneo: 30 l/s.
Orixe: río Vao ou rego de Pego de Rabuñenta (río da Rabuxenta) (dúas tomas).
Captación do Carrizal (existente): x=518.678; y=4.779.274; (ETRS89, fuso 29).
Lugar (parroquia): O Carrizal (Coristanco-Ferreira).
Captación Chousa do Muíño (proxectada): x=518.563; y=4.778.353 ; (ETRS89, fuso 29).
Lugar e parroquia: Casa da Chousa (Ferreira).
Concello: Coristanco.
Destino: abastecemento municipal (incluído uso gandeiro e industrial conectado á rede municipal).
Descrición do aproveitamento:
O Concello de Coristanco solicita unha concesión do río Vao (Rego de Rabuxenta), mediante dúas captacións, a do Carrizal existente e unha proxectada da Chousa do Muíño a través de dous pozos filtrantes na ribeira. As augas captadas trátanse na estación de tratamento de auga potable (ETAP) e de aí bombéanse ao depósito con destino ao abastecemento municipal (poboación, gandeiro e industrial conectado á rede).
A documentación técnica pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Vicente Ferrer, nº 2, 9º andar, 15008 A Coruña; para facilitar esta consulta poderá solicitar cita previa no teléfono 981 18 25 30.
Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
A Coruña, 23 de outubro de 2024
Néstor Rodríguez Arias
Xefe do Servizo Territorial
da Zona Hidrográfica de Galicia Norte